Mumiyalanmış, gözsüz böcəklərin tapıldığı mağara alimləri heyrətə gətirdi

Avstraliyanın uzaq Nullarbor platosunda yerləşən mağara sistemində tamamilə mumiyalanmış və gözləri olmayan onurğasız canlılar tapıblar.

Sonxeber.az xəbər verir ki, bu canlıların tapılması alimləri təəccübləndirib.

A11Nullarbor mağarasında aparılan araşdırmalarda daha əvvəl müşahidə olunmamış, gözsüz və mumiyalanmış o
nurğasız növlər - hörümçəklər, tarakanlar, qırxayaqlar və xüsusilə qanadları kiçilmiş, gözləri olmayan bir arı növü aşkar edilib. Mumiyalanmış, gözsüz böcəklərin tapıldığı mağara alimləri heyrətləndirib.

Quru və duzlu şərait sayəsində bu canlıların bədənləri çürümədən mumiyalanaraq mükəmməl şəkildə qorunduğu qeyd olunur.Ən diqqətçəkən tapıntısı isə dünyanın bu cür şəraitə uyğunlaşmış və gözləri olmayan ilk və yeganə vəhşi arısı olduğu söylənilir.

Bu arı, hörümçəkləri parazitləşdirmə xüsusiyyəti ilə tanınan Pompilidae ailəsinə aiddir. Mağarada tapılan və eyni şəkildə mağara həyatına uyğunlaşmış, gözləri olmayan hörümçəklərlə bu arının paralel təkamül prosesi, kəşfin ən maraqlı tərəflərindən biri sayılır.

Mumiyalanmanın dəqiq səbəbi və nümunələrin yaşı hələ müəyyən olunmayıb. Lakin tədqiqatçılar, əksər onurğasızların "hərəkət halındaymış kimi donmuş" vəziyyətdə olması səbəbilə qəfil qaz axınının bu prosesi başlamış ola biləcəyini ehtimal edirlər.

Araşdırma qrupu nümunələrin yaşını müəyyən etmək üçün radiokarbonla tarixləndirmə metodundan istifadə etməyi planlaşdırır. Qeyd edək ki, Nullarbor platosu dünyanın ən böyük ardıcıl quru əhəngdaşı karst bölgəsidir və gələcəkdə burada daha çox kəşf olunmamış növün tapılacağı gözlənilir.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş