Məşhur filmdəki avtomobil sahibsiz qarajda tapıldı

"Gələcəyə Qayıdış" filmindəki məşhur avtomobil sahibsiz qarajda tapılıb.

Sonxeber.az "Autoevolution"a istinadən xəbər verir ki, ABŞ-da tapılan 1981-ci ilin "DeLorean DMC-12" kupesinin vəziyyəti heç də ürəkaçan deyil. Belə ki, Avtomobilin cilalanmış polad gövdəsi toz və kir təbəqəsi ilə örtülüb, interyerin isə quru təmizlənməyə ehtiyacı var. Həmçinin, avtomobilin ön hissəsi də xarab olduğundan hərəkət etmək iqtidarında deyil. Eyni zamanda, modelin yürüşü cəmi 4200 km-dir.

Hazırda kolleksiya modelini bərpa etmək üçün ona yeni sahib axtarılır.

Qeyd edək ki, 1981-1983-cü illərdə bu avtomobillərdən yalnız 8500 ədəd istehsal edilib. O "Peugeot", "Renault" və "Volvo" tərəfindən birgə hazırlanmış 2,7 litrlik 130 at gücünə malik V6 ilə təchiz edilib. 5 pilləli mexaniki transmissiya ilə "DeLorean" 100 km/saata 10 saniyəyə sürətlənir və maksimal sürəti 209 km/saata çatır.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş