İtləri oğurlayıb öldürən şəxs polis tərəfindən axtarılır - VİDEO

İstanbulun Esenyurt rayonunun Ardıçlı məhəlləsində dəhşətli hadisə baş verib.

Sonxeber.az türk mediasına istinadən xəbər verir ki, 846-cı küçədə naməlum şəxs dəmir çəpərlə əhatə olunmuş əraziyə daxil olaraq orada olan iti oğurlayıb. Hadisə anı təhlükəsizlik kameralarına düşüb. Görüntülər araşdırılarkən şahidlərin ifadəsinə əsasən həmin şəxsin eyni gün yaxın ərazidə başqa bir iti öldürdüyü müəyyənləşib.

Məhəllə sakinlərinin sözlərinə görə, həmin şəxs bir itin boğazını sıxaraq, dərisini soyub və heyvanı qan içində yaralı halda buraxaraq hadisə yerindən qaçıb.

Ətrafdakı insanlar tərəfindən yaralı vəziyyətdə tapılan it barədə dərhal İstanbul Böyükşəhər Bələdiyyəsinin Baytarlıq İdarəsinə məlumat verilib və heyvan müalicə altına alınıb.

Polis hazırda bir iti oğurlayan, digərini öldürən və başqa birinə işgəncə verərək yaralayan şübhəlini tapmaq üçün genişmiqyaslı axtarış aparır.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş