İbrahim Tatlıses oğluna elektron qolbaq taxdırdı

Türkiyəli məşhur müğənni İbrahim Tatlıses ilə oğlu Ahmet Tatlıses arasında gərginlik getdikcə artır. Uzun müddətdir aralarındakı problemləri həll edə bilməyən ata-oğul bu dəfə məhkəmə qərarı ilə gündəmə gəlib.

Sonxeber.az türk mediasına istinadən xəbər verir ki, İbrahim Tatlıses, oğlu Ahmet Tatlıses barəsində uzaqlaşdırma qərarı çıxarılması üçün məhkəməyə müraciət edib. Məhkəmə müraciəti nəzərdən keçirdikdən sonra diqqətçəkən bir qərar qəbul edib.

Qərara əsasən, Ahmet Tatlısesin atasına yaxınlaşmaması üçün "elektron nəzarət" tədbiri tətbiq olunub və ona elektron qolbaq taxılıb.

Bundan sonra Ailə Daxili Zorakılıq və Qadınlara Qarşı Şiddətlə Mübarizə İdarəsi tərəfindən İbrahim Tatlısesə də elektron izləmə cihazı təqdim edilib.

Sistem vasitəsilə Ahmet Tatlıses atasına müəyyən olunmuş məsafədən artıq yaxınlaşarsa, hüquq-mühafizə orqanlarına dərhal xəbər veriləcək.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş