Tələbə qız yataqxananın eyvanından yıxılaraq həyatını itirdi

Türkiyənin Balıkesir şəhərində yerləşən Balıkesir Universitetinin Kredi Yurtlar Qurumu (KYK) qız yataqxanasında faciəvi hadisə baş verib.

Sonxeber.az türk mediasına istinadən xəbər verir ki, yataqxananın 3-cü mərtəbəsində qalan bir tələbə qız eyvandan yıxılaraq həyatını itirib.

Kimliyi hələlik açıqlanmayan tələbənin yıxılması barədə məlumat daxil olduqdan sonra əraziyə təcili tibbi yardım və polis əməkdaşları cəlb edilib. Tibbi heyət gənc qızın hadisə yerində həyatını itirdiyini müəyyənləşdirib.

İlkin məlumata görə, tələbənin ardında "Bu gün olmasa, bir gün olacaq. Günahkar axtarmayın" sözlərinin yazıldığı bir qeyd qoyduğu bildirilir.

Hadisə həm yataqxanada qalan tələbələr, həm də şəhər sakinləri arasında dərin kədər və sarsıntı yaradıb. Faktla bağlı araşdırma aparılır.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş