Ailə mübahisəsi faciə ilə bitdi: hamilə yoldaşını vurdu, köməyə gələnlərə güllə yağdırdı

Siirtin Kurtalan rayonunun Fırat məhəlləsində gecə saatlarında ailə daxilində baş verən mübahisə qısa zamanda dəhşətli qətliama səbəb olub.

Sonxeber.az türk mediasına istinadən xəbər verir ki, narkotik asılılığı olduğu bildirilən O.A., əlindəki silahla əvvəlcə həyat yoldaşı Mine Arı’ya, daha sonra onu xilas etməyə çalışan ailə üzvlərinə atəş açıb.

Nəticədə O.A.-nın əmisi Özgür Arı və hamilə olduğu bildirilən həyat yoldaşı Mine Arı hadisə yerində həyatını itirib. Şübhəlinin anası M.A. (50), əmisi arvadı N.A. (41) və əmisi F.A. (45) isə yaralanıb.

Hadisə yerinə çağırılan təcili tibbi yardım və polis qrupları yaralılara ilkin tibbi yardım göstərərək onları Siirt Təhsil və Araşdırma Xəstəxanasına çatdırıb. Yaralılardan M.A.-nın vəziyyətinin ağır olduğu qeyd edilir.

Şübhəli O.A., polis tərəfindən saxlanılaraq nəzarətə götürülüb. Hadisə ilə bağlı araşdırma davam edir.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş