Cudulu - Wikipedia - Kiss.az

Tədqiqatçılar oykonimi çudul (avar dilində "xarabalıq, sahibsiz yer") sözü əsasında "sahibsiz yer" kimi izah edirlər. Əslində, çu (at) və dul (yer, dərə) komponentlərindən ibarət olan bu oykonim "atxana", "at saxlanan yer" mənasındadır. Qəbələ rayonundakı Tövlə oykoniminin sinonimidir. Kənd vaxtilə salındığı ərazinin adını daşıyır. 1728-ci ildə İrəvan quberniyasının İqdır nahiyəsində eyniadlı kənd qeydə alınmışdır.^[1] Çüdülü kəndinin yaradılması haqqında məlumat belədir: 1800 - cü ildə Car-Baləkən kovxası Mahmud ağa, Car-Baləkənə aid olan Cinix cəmiyyətinə 300 rus çervonu və 300 fars tüməni ödəyərək həmin cəmiyyətə məxsus bağ yerlərini almışdır. Bu bağ yerləri 72 keşkəldən (suvarılan və becərilən sahədən) ibarət olmuşdur. Mahmud ağa başqa kəndlərdə yaşayan muğal ailələrini bura köçürərək, burada Çudullu və ya Çüdüllü kəndini yaratmışdır. (mənbədə məlumat rus dilində olduğu üçün Çudullo(Чудулло)yazılmışdır). Mənbə: Tbilisi Mərkəzi Arxivi. 58 saylı iş. Zaqatala Əmlak Torpaq Komissiyası.

Coğrafi mövqe baxımından çox zəngindir. Beləki, Rusiya sərhədlərinə qədər uzanan zəngin meşə örtüyü vardır. Meşələrində Qoz, Fındıq, Şabalıd, Cökə, Göyrüc, Palıd və digər ağaclarla zəngindir. Meşə heyvanlarından Yunut, Canavar, Çaqqal, Tülkü,Qırqovul, Bildirçin və.s heyvanlar yaşayır. Havası təmiz və nisbətən rütubətlidir. Böyük fındıq sahələri var.

1 yanvar 2012-ci il tarixinə olan rəsmi məlumata əsasən kənddə 111 təsərrüfatda hər iki cinsdən toplam 382 nəfər əhali yaşayır.^[2]

• Azərbaycan Respublikasi Qax Rayon İcra Hakimiyyətin