 |
 |
Kiss.az |  |
 |
Əhmədəli Abduləli oğlu Həsənov (15 sentyabr 1948, Laçın) - Azərbaycanın tanınmış həkimi.
Əhmədəli Həsənov 15.09.1948-də Laçın rayonunun Ağbulaq kəndində anadan olmuşdur. İbtidai təhsilini Ağbulaq kəndində almışdır. Tam ali məktəbi Laçın rayonu Minkənd orta məktəbində bitirmişdir. 1966-cı ildə Azərbaycan Dövlət Tibb İnstitutunun (indiki Dövlət Tibb Universisteti) müalicə-profilaktika şöbəsinə qəbul olub. 1973-cü ildə ali təhsilli həkim kimi internatura keçmək üçün görkəmli uroloq-alim və pedaqoq, dövlət mükafatları laureatı, əməkdar elm xadimi, tibb elmləri doktoru, professor, Azərbaycan Milli Elmlər Akademiyasının həqiqi üzvü, Əziz Əliyev adına Azərbaycan Dövlət Həkimləri Təkmilləşdirmə İnstitutunun rektoru, SSRİ məkanında ilk ən güclü uroloji məktəbin yaradıcısı olan akademik Mirməmməd Cavad oğlu Cavadzadənin kafedrasına göndərilib. Bir il onun yanında urologiya üzrə internatura keçəndən sonra taleyini Sumqayıt şəhərilə bağlayıb.
1974-cü ilin avqust ayının 1-dən Sumqayıt şəhər 1 nömrəli Xəstəxanasında uroloq həkim kimi əmək fəaliyyətinə başlayıb. Cəmi bir il sonra Sumqayıt Şəhər Səhiyyə Şöbəsi 1 saylı xəstəxanada Urologiya şöbəsi yaradıb və Əhmədəli Həsənov o şöbənin müdiri kimi fəaliyyətə başlayıb. Əhmdəli Həsənov 50 il Sumqayıt şəhərəinin səhiyyəsinə əvəzedilməz töhfələr vermiş, insanların sağlıq durumunun daha da yaxşılaşdırılması üçün əlindən gələni etmişdir. 1974-2024 cü illər ərzində Sumqayıt şəhər 1 saylı xəstəxananın urologiya şöbəsində fəaliyyət göstərmiş Əhmədəli Həsənov hazırda təqaüddədir.
4 oktyabr 2016-cı ildə Azərbaycan Prezidenti İlham Əliyev Sumqayıt şəhərinin sosial-iqtisadi və mədəni inkişafında xidmətləri olan şəxslərə fəxri adların verilməsi haqqında sərəncam imzalayıb. Sərəncama əsasən Əhmədəli Abduləli oğlu Həsənov "Əməkdar həkim" fəxri adına layiq görülmüşdür.
Əhmədəli Həsənovun 3 övladı, 4 nəvəsi, 1 nəticəsi var.
 |
 |
KISS.AZ |  |
 |
|