Qaralama Leman Memmedova - Wikipedia - Kiss.az

Ləman Aslan qızı Məmmədova 1978-ci il 16 iyunda Naxçıvan şəhərində anadan olmuşdur. Orta təhsilini Naxçıvan şəhər 3 saylı orta məktəbdə almışdır. 1995–1999-cu illərdə Azərbaycan Dövlət Mədəniyyət və İncəsənət Universitetinin bakalavr pilləsini və 1999–2001-ci illərdə həmin universitetin magistr pilləsini fərqlənmə diplomu ilə bitirmişdir.^[1]

2001–2021-ci illərdə Naxçıvan Dövlət Universitetinin Təsviri incəsənət kafedrasında müxtəlif vəzifələrdə (müəllim, baş müəllim) çalışmışdır. 2021-ci ildən Naxçıvan Müəllimlər İnstitutunun İncəsənət kafedrasında dosent vəzifəsində çalışır. Naxçıvan Muxtar Respublikası Rəssamlar Birliyinin (2017) və Azərbaycan Rəssamlar İttifaqının (2023) üzvüdür.

80-dən çox elmi əsərin, monoqrafiya, dərs vəsaiti və proqramların, elmi məqalələrin və tədris metodik vəsaitlərin müəllifidir. Müxtəlif beynəlxalq konfranslarda məqalələri ilə çıxış etmişdir. Dövri mətbuatda publisistik məqalələri də vardır. Məqalələri Türkiyə, Amerika Birləşmiş Ştatları, Rusiya, İngiltərə, Almaniya və s. ölkələrin nüfuzlu jurnallarında dərc olunmuşdur.^[2]

Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin “Milli dəyərlərimizin təbliğat sahəsindəki səmərəli xidmətlərinə görə” diplom ilə təltif olunmuşdur (2017). Naxçıvan MR Rəssamlar Birliyində keçirilən qarışıq sərgilərin fəal iştirakçısıdır. 2017-ci ildə "Rənglər Dünyası", 2020-ci ildə isə "Elm və Sənətin sintezi" adlı fərdi sərgisi keçirilmişdir. Əsərləri Bakı və Naxçıvan şəhərlərində şəxsi kolleksiyalarda qorunub saxlanılır. Azərbaycan rəssamlıq sənətinin görkəmli nümayəndəsi Bəhruz Kəngərlinin nəslindəndir.

• Təsviri sənət nəzəriyyəsi. Naxçıvan, Qeyrət, 2017, 243 səh. (dərs vəsaiti - xalq rəssamı Hüseynqulu Əliyevlə birgə)
• Miniatür sənəti. Naxçıvan, Əcəmi, 2018, 182 səh. (dərs vəsaiti)
• Azərbaycan xalçaçılıq sənəti. Naxçıvan, Əcəmi, 2019, 166 səh. (dərs vəsaiti) ^[3]
• Heykəltəraşlıq və rəssamlıqda insan gözəlliyinin təcəssümü. Naxçıvan, Qeyrət, 2017, 300 səh. (monoqrafiya - həmmüəllif Hüseynqulu Əliyev)
• Divino эпохи Возрождения. Германия, Lambert Academic Publishing, 2018, 80 p. (monoqrafiya)^[4]
• Təsviri sənət məbədi - muzeylər. Naxçıvan, Əcəmi, 2022, 223 səh. (monoqrafiya)
• Incəsənət tarixi fənninin tədrisi prosesində tələbələrin müstəqil işlərinin təşkili məsələləri. Naxçıvan, Əcəmi, 2016, 80 səh. (metodik vəsait - həmmüəllif Hüseynqulu Əliyev)
• İncəsənət tarixi fənni üçün tədris-metodik vəsait. Naxçıvan, Əcəmi, 2019, 158 səh. (metodik vəsait)

• Məmmədova Ləman Aslan qızı (Mətn) // Naxçıvan rəssamlarının ensiklopediyası. Naxçıvan. 2022, s 113.
• "Ləman Məmmədovanın rəngarəng dünyası: rəssam və sənətşünasın yaradıcılığının tədqiqi", Rübabə İmanlı // AMEA Naxçıvan Bölməsinin "Axtarışlar" jurnalı №2 (45) 2023, səh.201
• Ləman Mammadova (Mətn) // Dünyanın 100 qadın rəssamı. Bakı. 2025, Elm və Təhsil s 104.