Qaralama Rustem Ezizov - Wikipedia - Kiss.az

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Bu məqalədə heç bir məlumatın mənbəsi göstərilməmişdir. Lütfən, etibarlı mənbələr əlavə etməklə məqaləni təkmilləşdirməyə kömək edin. Qərəz yaradan mənbəsiz hissələr müzakirəsiz silinə bilər.

Rüstəm Duman oğlu Əzizov

Filoloq-jurnalist, filologiya elmləri namizədi

20.02.1937 - 23.02.1997

Ağdamın Mərzili kəndində doğulub. Novruzlu kənd orta məktəbini məzunu olub (1946-1957). 1954-1956 – “Lenin yolu” qəzetində ştatdankənar müxbir işləyib. İki il ərzində ümumilikdə 40-dan çox hekayə, şeir, kənd təsərrüfatı ilə bağlı yazıları dərc olunub. 1957 – Mərzili kənd məktəbinin X sinif şagirdi olarkən Azərbaycan fəhlə-kəndli müxbirlərinin IV respublika qurultayında nümayəndə kimi çıxıb edib. 1957-1963 – S.M.Kirov adına Azərbaycan Dövlət Universitetinin (indiki BDU) Jurnalistika fakültəsini bitirib. 16.07.1963 – Azərbaycan Televiziyası Proqram Baş Redaksiyasında kiçik redaktor kimi fəaliyyətə başlayıb. “Günün ekranı”, “Təbliğat”, “Elm və həyat” verilişlərinin redaktoru olub. 1973 – “Elm və texnika verilişləri” redaksiyasında böyük redaktor vəzifəsinə təyin olunub. Bu redaksiyanın hazırladığı “Elm və həyat”, “İnsan və qanun”, “İnsan və ətraf mühit”, “Sağlamlıq”, “Elm, səmərəlilik, keyfiyyət” və sairə televiziya jurnallarının müəllifi və redaktoru olub. R.Əzizovun rəhbərlik etdiyi bu redaksiya respublikada elmin təbliğinə, Azərbaycan alimlərinin axtarış və tədqiqatlarına geniş yer verirdi. 1990-1997 – “Təhsil və maarifçilik” Baş redaksiyasının baş redaktoru olub.

“Sağlamlıq” teelviziya jurnalı isə xüsusilə onun adı ilə bağlıdır. Verilişin aparıcısı və həmin dövr Azərbaycan tamaşaçılarının sevimlisinə çevrilmiş həkim Əlfəddin Abdullayevin proqram aparıcısı kimi kəşf edilməsində də R.Əzizovun rolu olub. Sonralar veriliş “Şəfa” adı ilə mavi ekranlara çıxmağa başladı. İşlədiyi müddətdə səhiyyə işçilərinin təbliği, savadlı həkimlərin daha asan yolla tamaşaçıya tanıdılması onun adı ilə bağlıdır. 30 ilə yaxın bu verilişin müəllifi olub. “Sağlamlıq” (“Şəfa”) verilişi 35 il efirdə dayanmadan yayımlanan verilişi olub. Şirkət miqyasında ən uzunömürlü veriliş olub.

1964 – SSRİ Jurnalistlər İttifaqının üzvü olub. Bir çox təltif və mükafatlara layiq görülüb. “Sosializm yarışının qalibi” döş nişanı, SSRİ Nazirlər Soveti yanında Radio və Televiziya Verilişləri Komitəsinin diplomu və fəxri fərmanlarını, habelə digər mötəbər təşkilatların mükafatlarını alıb. 1970 – SSRİ Dövlət Teleradio Komitəsinin fəxri fərmanına layiq görülüb. 1977 – “Azərbaycan SSR maarif əlaçısı” döş nişanı ilə təltif olunub. 1987 – “SSRİ Radio və Televiziya əlaçısı” döş nişanı ilə təltif olunub. 1980 - “İnsan və ətraf mühit” elmi-kütləvi proqramının hazırlanmasındakı fəal iştirakına görə Azərbaycan SSR Jurnalistlər İttifaqının “Qızıl qələm” mükafatı laureatı adına layiq görülüb. 1989 – Azərbaycan Respublikası Ali Soveti Rəyasət Heyətinin fəxri fərmanı ilə təltif olunub. 1991 – “Əməkdar jurnalist” adına layiq görülüb. 1995 – “Araz” Ali ədəbi mükafatı ilə təltif olunub.

28.11.1980 – Azərbaycan SSR Elmlər Akademiyası Nizami adına Ədəbiyyat İnstitutunun elmi şurasında “Nəbi Xəzrinin poemaları” mövzusunda dissertasiyasını müvəffəqiyyətlə müdafiə edib, filologiya elmləri namizədi alimlik dərəcəsi alıb.

5 elmi-monoqrafik, çoxlu sayda ədəbi-tənqidi məqalənin müəllifi olub. Mehdi Hüseyn, Mirzə İbrahimov, Qulu Xəlilov, Y.Seyidov, Qasım Qasımzadə və başqalrı haqqında maraqlı məqalələr yazıb. Akademiklərdən Mirməmməd Cavadzadə, B.Ağayev, Ədilə Namazova, professorlardan Nurəddin Rzayev, Ə.Əmiraslanov, K.Abdullayev, Paşa Qəlbinur, H.Hümmətov, Q.Qəhrəmanov və başqaları haqqında hazırladığı televiziya oçerkləri ictimaiyyətin diqqətini cəlb etmiş və ona böyük rəğbət qazandırmışdır.

“İnsan həyata qayıdır” (M.Cavadzadə haqqında) televiziya filminin ssenarisinin müəllifidir.

Mavi ekrana yol tapan və geniş tamaşaçı auditoriyasının məhəbbətini qazanan ən uzunömürlü proqram 1964-cü ildən ekrandan düşməyən “Sağlamlıq” (“Şəfa”), habelə “İnsan və zaman”, “Ev üçün, ailə üçün”, “Televiziya tibb məsləhətxanası”, “Səadət”, “Ədəbiyyatşünaslıq və zaman”, “Ayıqlıq həyatımızın normasıdır”, “Axtarışlar, problemlər, perspektivlər” kimi proqramlar yaradıcısı və davamçısı kimi birbaşa onun adı ilə bağlıdır. 1. İlk dəfə Rüstəm Əzizov televiziya təhsil və elmi proqramların təhlilini vermiş və elmi-praktik əhəmiyyəti olan “Televiziya həyatımızda” (Azərbaycan televiziyasının 30 illiyi münasibətilə, Bakı – 1988); 2. “Poemanın genişlənən üfüzləri”, Yazıçı, 1985 3. «Слово о поэте» (К 60-летию со дня рождения Наби Хазри), Баку – 1984 4. “Şeirimizdə əmək qəhrəmanlarının tərənnümü”, “Elm” nəşriyyatı, Bakı – 1973 5. «Поэмы Наби Хазри» (Автореферат), Баку – 1980 6. “Söz sağaldar” (Mühazirəçiyə kömək), Bakı – 1974

Musiqisini Nazim Qəmərlinskinin bəstələdiyi “Qarabağım”, “Qonşu qız”, “Küsmə məndən” mahnı mətnlərinin müəllifidir.

Ailəli idi. Bir övladı var: Aygün Əziz (ingilis dili mütəxəssisi, tərcüməçi, “Qanun” nəşriyyatında tərcüməçi-redaktor) thumb