 |
 |
Kiss.az |  |
 |
İbrahim Habil oğlu Abdullayev (20 iyul 1994, Bakı – 4 oktyabr 2020, Füzuli rayonu) — Azərbaycan Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrinin baş leytenantı; 2020-ci ildə Qarabağ müharibəsi zamanı Füzulinin azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| İbrahim Abdullayev | |
|---|---|
 | |
| Şəxsi məlumatlar | |
| Doğum tarixi | 20 iyul 1994 |
| Doğum yeri | |
| Vəfat tarixi | 4 oktyabr 2020 (26 yaşında) |
| Vəfat yeri | |
| Dəfn yeri | |
| Vətəndaşlığı |
 Azərbaycan |
| Təhsili |
|
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Xüsusi Təyinatlı Qüvvələr |
| Xidmət illəri | 2016—2020 |
| Rütbəsi | |
| Döyüşlər | |
| Təltifləri |
     |
İbrahim Habil oğlu Abdullayev 1994-cü il, iyulun 20-də Bakı şəhərində anadan olub.[2][1]
K. Kərimov adına 8 nömrəli tam orta məktəbdən məzun olub.[1] 2011–2015-ci illərdə Xarkov Politexnik İnstitutunda təhsil alıb.[1]
2016-cı ildə Nəsimi Rayon Hərbi Komissarlığı tərəfindən müddətli həqiqi hərbi xidmətə çağırılıb və 2016–2017-ci illərdə N saylı hərbi hissədə xidmət edib.[1]
2017-ci ildə Azərbaycan Silahlı Qüvvələrin Təlim və Tədris Mərkəzinin "Ehtiyat zabit ixtisas kursu"nu bitirib.[1]
Azərbaycan müdafiə naziri, general-polkovnik Zakir Həsənovun 30 may 2017-ci il tarixli əmri ilə "leytenant" hərbi rütbəsi, Silahlı Qüvvələrin Baş Qərargah rəisi, general-polkovnik Nəcməddin Sadıqovun 30 may 2020-ci il tarixli əmri ilə "baş leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 3 il ərzində dağ-atıcı taqımın komandiri, motoatıcı bölüyün (BMP-3) atəş dəstək taqımının komandiri, xüsusi təyinatlı taqım komandirinin müavini, xüsusi təyinatlı taqım komandiri vəzifələrində xidmət edib.[1]
Müxtəlif illərdə müdafiə nazirinin əmri ilə "Azərbaycan Ordusunun 100 illiyi (1918–2018)" yubiley medalı ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Murovdağ zirvələri istiqamətində gedən xüsusi əməliyyata, həmçinin Cəbrayılın və Füzulinin azad edilməsi uğrunda gedən döyüş əməliyyatlarına qatılıb. Oktyabrın 4-də Füzuli rayonu ərazisində xidməti vəzifəsinin icrası zamanı şəhid olub.[1] 2 saylı Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Şücaətə görə", "Cəbrayılın azad olunmasına görə", "Füzulinin azad olunmasına görə", "Kəlbəcərin azad olunmasına görə" və "Vətən uğrunda" medalları ilə təltif edilib.[4][5][6][7]
Subay idi.
 |
 |
KISS.AZ |  |
 |
|