Asiq Savad - Wikipedia - Kiss.az

Ana Səhifə - Asiq Savad

Aşıq Savad (1885, Daşkənd, Yeni Bəyazid qəzası və ya Dəmirçilər, Qazax qəzası – 1970, Qumlu, Gədəbəy rayonu) – azərbaycanlı şair və aşiq.

AŞIQ SAVAD
Savad Şəfi qızı Nəsibova

Doğum tarixi	1885
Doğum yeri	Daşkənd, Yeni Bəyazid qəzası, İrəvan quberniyası, Rusiya imperiyası və ya Dəmirçilər, Qazax qəzası, Yelizavetpol quberniyası, Rusiya imperiyası
Vəfat tarixi	1970
Vəfat yeri	Qumlu, Gədəbəy rayonu, Azərbaycan SSR, SSRİ
Dəfn yeri	Qumlu
Fəaliyyəti	şair, aşıq

Həyatı

redaktə

Aşıq Savad Axund Şəfi qızı Nəsibova, 1885-ci ildə Göyçə mahalının Daşkənd kəndində anadan olmuşdur. Əmisi Molla Şabandan, atası Axund Şəfidən, qardaşları Hacı Rəhimdən və Molla Mehdidən ruhani təhsili almışdır. Tanıyıb sevmədiyi, Göyçə mahalının Sarıyaqub kənd sakini Temir adlı birisinə ərə verilmişdir. Temirdən saz havalarını çalmağı öyrənmiş və aşıqlıq etmişdir. Toylarda, el şənliklərində özünün və xüsusən də ustad aşıqların dillər əzbəri olan sözlərini çalıb-oxumuşdur.

Aşıq Savad 1970-ci ildə Gədəbəy rayonunun Qumlu kəndində vəfat etmiş və orada da dəfn edilmişdir.

Aşıq Savad haqqında bir neçə kitablarda məlumat verilmişdir:

1991-ci ildə "Gənclik" nəşriyyatında çap olunan Əzizə Cəfərzadənin "Azərbaycanın aşıq və şair qadınları" kitabında Aşıq Savadın qoşmaları və gəraylıları nəşr olunmuşdur (səh. 160–161).
2005-ci ildə "Avrasiya press" nəşriyyatında çap olunan "Azərbaycan qadın şairləri antologiyası" kitabında da qoşmaları və gəraylıları nəşr olunmuşdur (səh. 133).
2010-cu ildə "MBM" mətbəəsində çap olunan "Aşıq qadınların antologiyası" kitabında Aşıq Savadın qoşmaları və gəraylıları nəşr olunmuşdur (səh. 46–48).

Mənbə

redaktə

Vikimənbədə Kateqoriya:Aşıq Savad ilə əlaqəli mətnlər var.

Əzizə Cəfərzadə. "Azərbaycanın aşıq və şair qadınları", Bakı, "Gənclik", 1991. (səh.160).
Araz Yaquboğlu. Daşkənd Aşıqları və Şairləri. Bakı: 2008
Musa Nəbioğlu. "Ozan-aşıq dünyası". Bakı: Nurlan, 2010, (şəkilli), səh.19.

Mənbə — "https://az.wikipedia.org/wiki/?q=Aşıq_Savad&oldid=7532812"