 |
 |
Kiss.az |  |
 |
Elvin Ramiz oğlu Səfərov (10 dekabr 1989, Lerik rayonu – 31 oktyabr 2020, Xocavənd rayonu) — Azərbaycan Müdafiə Nazirliyinin Hərbi Dəniz Qüvvələrinin miçmanı; 2020-ci ildə Qarabağ müharibəsi zamanı Xocavənd rayonu ərazisində, Qızılqaya zirvəsi (432.9 m.) uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.[1]
| Elvin Səfərov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Lerik rayonu, Azərbaycan SSR |
| Vəfat tarixi | (30 yaşında) |
| Vəfat yeri | Xocavənd rayonu, Azərbaycan |
| Dəfn yeri | Lerik rayonu, Azərbaycan |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Hərbi Dəniz Qüvvələri |
| Xidmət illəri | 2009—2009 / 2015—2020 |
| Rütbəsi |
 Miçman |
| Döyüşlər | |
| Təltifləri |
     |
Elvin Ramiz oğlu Səfərov 1989-cu il, dekabrın 10-da Lerik rayonunun Soru kəndində anadan olub.[2][1]
2007-ci ildə Lerik rayonu T. Cəfərov adına Soru kənd tam orta məktəbindən məzun olub.[1]
2008-ci ildə Lerik Rayon Hərbi Komissarlığı tərəfindən müddətli həqiqi hərbi xidmətə çağırılıb və 2008–2009-cu illərdə N saylı hərbi hissədə xidmət edib.[1]
2015-ci ildə hərbi hissənin nəzdində "Xüsusi Təyinatlı Qüvvələr kursu"nu bitirib.[1]
Silahlı Qüvvələrin Baş Qərargah rəisi, general-polkovnik Nəcməddin Sadıqovun 17.08.2015-ci tarixli əmri ilə "K/miçman" hərbi rütbəsi, Hərbi Dəniz Qüvvələri Komandanının 05.10.2017-ci il tarixli əmri ilə "miçman" hərbi rütbəsi verilib.[1]
Azərbaycan Silahlı Qüvvələrində xidmət etdiyi 5 il ərzində xüsusi təyinatlı snayperlər qrupunun dalğıcı-kəşfiyyatçı, xüsusi təyinatlı qrupun dalğıcı-kəşfiyyatçı vəzifələrində xidmət edib.[1]
Müxtəlif illərdə müdafiə nazirinin əmrləri ilə "Hərbi xidmətdə fərqlənməyə görə" 3-cü dərəcəli medalı, həmçinin ""Azərbaycan Ordusunun 100 illiyi (1918–2018)" yubiley medalı" ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın, Hadrutun, Füzulinin və Qubadlının azad edilməsi uğrunda gedən döyüş əməliyyatlarına qatılıb. Oktyabrın 31-də Xocavənd rayonu ərazisində, Qızılqaya zirvəsi (432.9 m.) istiqamətində döyüş tapşırığının icrası zamanı şəhid olub.[1] Lerik rayonunun Soru kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Qubadlının azad olunmasına görə" və "Vətən uğrunda" medalları ilə təltif edilib.[4][5][6][7][8]
Subay idi.
 |
 |
KISS.AZ |  |
 |
|