 |
 |
Kiss.az |  |
 |
Firudin bəy Məlik Aslan bəy oğlu Məlik-Aslanov(az. Firudin bəy Məlik Aslan bəy oğlu Məlik-Aslanov; 15 iyun 1811, Tuğ, Dizaq mahalı, Qarabağ xanlığı – 8 iyun 1857, Tuğ, Şuşa qəzası, Şamaxı quberniyası, Rusiya imperiyası) — Qarabağ atlı alayının zabiti, Rusiya İmperator Ordusunun kapitanı, mülkədar.
| Firudin bəy Məlik-Aslanov | |
|---|---|
| Doğum tarixi | |
| Doğum yeri | Tuğ, Dizaq mahalı, Qarabağ xanlığı |
| Vəfat tarixi | (45 yaşında) |
| Vəfat yeri | Tuğ, Şuşa qəzası, Şamaxı quberniyası, Rusiya imperiyası |
| Atası | Məlik Aslan bəy |
| Milliyyəti | Azərbaycanlı |
| Fəaliyyəti | hərbi qulluqçu |
| Mükafatları |
 |
Firudin bəy 15 iyun 1811-ci ildə Dizaq mahalının Tuğ kəndində anadan olub.[1] Qədim və nəcib Qarabağın zadəgan Məlik-Aslanovlar ailəsinəndir.[2] Mədrəsə təhsili almışdı.[3] Rus və şərq dillərini bilirdi.[3] Qarabağ atlı alayının zabiti olub.[4][5] Çar ordusunda qulluq edirdi.[3] Kapitan rütbəsi vardı.[3] Həmçinin mülkədar kimi tanınırdı.[4][5]
Firudin bəy Rusiya–Osmanlı müharibəsi (1828–1829) zamanı Qarabağ əyalətinin sakinlərindən yaradılmış 1-ci müsəlman (azərbaycanlı) süvari alayında xidmət etməyə başladı.[6] 1828-ci ildə Soğanlıq döyüşü zamanı Xertvis qalasının alınmasında iştirak edib.[6]
1834-cü ilin noyabrında Varşavaya səfərə göndərilən Zaqafqaziya atlı-müsəlman alayının tərkibində ştabs-kapitan İsmayıl bəy Qutqaşınlı, poruçik Cəfərqulu ağa Bakıxanovla (Abbasqulu ağa Bakıxanovun kiçik qardaşı) birlikdə praporşik Firudin bəy Məlik-Aslanov da olmuşdu.[6] Polşada çar ordusunun tərkibində olarkən Firudin bəy atasının dostu feldmarşal Paskeviçlə rastlaşır. Paskeviç ona xeyli kömək edir.[3] Tarixçi Mir Mehdi Xəzani bu barədə yazır: "Əlhəqq Məlik Aslan bəy Dizaqi o vaxtdan sərdar Paskeviç xidmətində çox layiqli xidmətlər eləmişdi. Orada qoşuna nabələd vaxtı çox tüncü və tədarükat hazırlayıb, sərdarı və qoşunu məmnun və razı eləmişdi. Bir növ ilə sərdar feldmarşal Varşavada olanda dəxi onu razılıq ilə yad etmiş və xatırlamış, oğlu kapitan Firudin bəyə o mükafata görə çox iltifat və mərhəmətlər eləmişdi."[3][7]
Sicil siyahısının 1854-cü ildə tərtib edilən əsasına görə, Firudin bəy 22 oktyabr 1835-ci ildə praporşik, 28 oktyabr 1840-cı ildən poruçik, 2 fevral 1844-ci ildə ştabs-kapitan hərbi rütbələrini alıb.[1][6] 5 sentyabr 1855-ci ildə isə çar ordusunda kapitan dərəcəsinə qədər yüksəlib.[1][3][6]
Döyüşlərdə igidliyinə və şücaət göstərdiyinə görə 1842-ci ildə o 3-cü dərəcəli "Müqəddəs Stanislav" ordeni ilə təltif edilmişdir.[1]
Həyat yoldaşı Mənsurə xanım.[6]
Övladı Nəriman bəy (1855,Tuğ – ?).[6]
Atası Məlik Aslan bəy Dizaq mahalının son məliyi və naibi olmuşdu, həmçinin rus üsul-idarəsi dönəmində Zəngəzur mahalının da naibi kimi xidmət edirdi.[8]
3-cü dərəcəli "Müqəddəs Stanislav" ordeni (12.06.1842).[1][3]
 |
 |
KISS.AZ |  |
 |
|