 |
 |
Kiss.az |  |
 |
Ho Yon Çon (kor. 정호연; 23 iyun 1994, Cənubi Koreya) – Cənubi Koreya modeli və aktrisası. "Vogue" jurnalı tərəfindən "Koreyanın növbəti top modeli" kimi adlandırılmışdır.[1] "Koreyanın növbəti top modeli" şousunun 4-cü mövsümündə yarışmış və ikinci yeri tutmuşdur.[2] Models.com saytı tərəfindən "Top-50" modeldən biri kimi seçilmişdir. The Society Management, Elite Model Management, Nomad Management, ESteem Models, Saram Entertainment agentlikləri ilə əməkdaşlıq edir.
| Ho Yon Çon | |
|---|---|
| kor. 정호연 | |
 | |
| Doğum tarixi | 23 iyun 1994 (31 yaş) |
| Doğum yeri | |
| Təhsili | |
| Fəaliyyəti | model[d], televiziya aktrisası, aktrisa |
| esaram.co.kr/en/Junghoye… | |
 Vikianbarda əlaqəli mediafayllar | |
2021-ci ilin oktyabrında Louis Vuitton brendinin qlobal səfiri seçilmişdir.[3][4]
Ho Yon Çon 23 iyun 1994-cü ildə Cənubi Koreyanın Seul şəhərində anadan olub. İki bacı-qardaşı var.[5] Donduk Qadınlar Universitetindən məzun olmuşdur.[6] 2016-cı ildən aktyor Li Don Hvi ilə münasibətdədir.[7]
Çon karyerasının ilk dövrlərindəki qırmızı saçları və "ehtiraslı" şəxsiyyəti ilə tanınırdı.[8][9][10] Modelliyə 16 yaşında başlamışdır.[11] Seul Dəb Həftəsində agenti olmadan model kimi iştirak etmiş və ESteem Models[12] ilə müqavilə imzalayana qədər özünü inkişaf etdirmişdir. "Koreyanın növbəti top modeli" şousuna qatılaraq 2-ci yeri tutmuşdur.[13] Bu uğurundan sonra "Vogue Girl Korea", "Nylon Kore" və "ELLE Wedding" kimi jurnallarda görünmüşdür. Bundan əlavə, Şin Hyo-ci və Hvan Hyon-cu ilə birlikdə "First Look Korea" jurnalında yer almışdır.
2016-cı ildə Louis Vuitton brendi ilə beynəlxalq debütünü etmişdir.[14] Həmin mövsüm Marc Jacobs, Fendi, Max Mara, Alberta Ferretti və Rag & Bone brendləri üçün podiuma çıxmışdır.[15] Çon karyerası ərzində Jeremy Scott, Tory Burch, Topshop Unique, Lanvin, Dolce & Gabbana, Missoni, Bottega Veneta, Emilio Pucci, Chanel, Miu Miu, Giambattista Valli, Prabal Gurung, Jason Wu, H&M, Jacquemus, Burberry, Acne Studios, Roberto Cavalli, Diesel Black Gold, Versus (Versace), Narciso Rodriguez, Paco Rabanne, Schiaparelli, DSquared2, Blumarine, Dundas, Zadig & Voltaire, Tod's, Etro və Gabriela Hearst brendləri üçün modellik etmişdir.[16][17]
Sephora,[18] Chanel,[19] Gap,[20] Hermès[21] və Louis Vuitton brendlərinin reklamlarında iştirak etmişdir.[22] Louis Vuitton brendinin qlobal səfirini kimi brendin saatları və zinət əşyaları üçün də modellik edir.[4]
Çon "Vogue Japan", "Vogue Korea", "W Korea" və "Harper's Bazaar Korea" dəb jurnallarının üzlüklərində görünmüşdür. Həmçinin "Vogue",[23] "British Vogue", "Dazed",[24] "Love", "CR Fashion Book",[25] "Into the Gloss" jurnallarının baş məqalələrində yer almışdır.[26][27][28]
2017-ci ildə Models.com saytı tərəfindən "Top yeni model" və "İlin modeli" nominasiyalarına seçilmişdir.[29][30]
13 yanvar 2020-ci ildə Saram Entertainment ilə aktrisa kimi müqavilə imzalamışdır.[31] 2021-ci ildə Netflix tərəfindən çəkilən "Kalmar oyunu" serialında əsas personajlardan birini canlandırmış və aktrisa kimi debüt etmişdir.[32]
4 oktyabr 2021-ci ildə 13 milyon izləyici ilə Instagram-da ən çox izləyicisi olan koreyalı aktrisa olmuşdur.[33]
| İl | Mahnı adı | Sənətçi | Uzunluq | İst. |
|---|---|---|---|---|
| 2013 | "Going Crazy" | Li Hyori | 3:44 | [a] |
| 2014 | "Beat" | 100% | 3:50 | [34] |
| "Move" | Kim Yon-vu | 4:09 | [35] | |
| 2019 | "The CHANEL Pharrell Collection" | Farel Vilyams | 3:20 | [36] |
| 2019 | "Taste of Acid" | Hot Potato | 4:12 | [37] |
| İl | Adı | Rol | Şəbəkə | İst. |
|---|---|---|---|---|
| 2021 | "Kalmar oyunu" | Kang Sae-byeok | Netflix | [32] |
I immediately fell in love with Ho Yeon's great talent and fantastic personality, and I am looking forward to starting this new chapter of the journey we started at Louis Vuitton a few years ago," artistic director of women's collections Nicolas Ghesquière added.
 |
 |
KISS.AZ |  |
 |
|