 |
 |
Kiss.az |  |
 |
Kamil Əliş oğlu Şirinov (9 aprel 1991, Çuxanlı, Salyan rayonu – 29 sentyabr 2020, Füzuli rayonu) — Azərbaycan Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrinin kapitanı; 2020-ci ildə Qarabağ müharibəsi zamanı Füzulinin azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Kamil Şirinov | |
|---|---|
 | |
| Şəxsi məlumatlar | |
| Doğum tarixi | 9 aprel 1991 |
| Doğum yeri | |
| Vəfat tarixi | 29 sentyabr 2020 (29 yaşında) |
| Vəfat yeri | |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Xüsusi Təyinatlı Qüvvələr |
| Xidmət illəri | 2013—2020 |
| Rütbəsi | |
| Döyüşlər | |
| Təltifləri |
      |
Kamil Əliş oğlu Şirinov 1991-ci il, aprelin 9-da Salyan rayonunun Çuxanlı kəndində anadan olub.[2][1]
2006-cı ildə Salyan rayonu Z. Həmidov adına Çuxanlı kənd tam orta məktəbindən, 2009-cu ildə Cəmşid Naxçıvanski adına hərbi liseydən məzun olub.[1]
2009–2013-cü illərdə Heydər Əliyev adına Azərbaycan Ali Hərbi Məktəbində təhsil alıb. Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 27 iyun 2013-cü il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 7 il xüsusi əməliyyat qrupunun baş kəşfiyyatçısı, xüsusi əməliyyat qrupunun komandiri vəzifələrində xidmət edib.[1]
Müxtəlif illərdə müdafiə nazirinin əmrləri ilə "Qüsursuz xidmətə görə" 3-cü dərəcəl və "Hərbi xidmətdə fərqlənməyə görə" 3-cü dərəcəl medalları, həmçinin "Azərbaycan Ordusunun 100 illiyi (1918–2018)" yubiley medalı ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Füzulinin azad edilməsi uğrunda gedən döyüş əməliyyatlarına qatılıb. Sentyabrın 29-da Füzuli rayonu ərazisində xidməti vəzifəsinin icrası zamanı şəhid olub.[1] Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Füzulinin azad olunmasına görə" və "Vətən uğrunda" medalları ilə təltif edilib.[4][5]
Evli idi. 2 övladı var.
 |
 |
KISS.AZ |  |
 |
|