 |
 |
Kiss.az |  |
 |
Mehman Mirəziz oğlu Şirvanov (24 fevral 1980, Ürgə, Lənkəran rayonu – 27 sentyabr 2020, Goranboy rayonu) — Azərbaycan Müdafiə Nazirliyinin Quru Qoşunlarının polkovnik-leytenantı; 2020-ci ildə Qarabağ müharibəsi zamanı Murovdağ istiqamətində gecən xüsusi əməliyyat zamanı şəhid olub, ölümündən sonra "Qarabağ" ordeni ilə təltif edilib.[1]
| Mehman Şirvanov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Lənkəran rayonu, Azərbaycan SSR |
| Vəfat tarixi | (40 yaşında) |
| Vəfat yeri | Goranboy rayonu, Azərbaycan |
| Dəfn yeri | Lənkəran rayonu, Azərbaycan |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2002—2020 |
| Rütbəsi |
 Polkovnik-leytenant |
| Döyüşlər | |
| Təltifləri |
        |
Mehman Mirəziz oğlu Şirvanov 1980-ci il, fevralın 24-də Lənkəran rayonunun Ürgə kəndində anadan olub.[2][1]
1997-ci ildə Lənkəran rayonu T. Zamanov adına Ürgə kənd tam orta məktəbindən məzun olub. 1998–2002-ci illərdə Azərbaycan Ali Hərbi Məktəbində təhsil alıb. Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 26 iyul 2002-ci il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 18 il ərzində motoatıcı taqım komandiri, motoatıcı bölüyün komandiri, motoatıcı taborun qərargah rəisinin maddi-texniki təminat üzrə köməkçisi, motoatıcı maborun qərargah rəisinin maddi-texniki təminat üzə müavini, mexanikləşdirilmiş taborun (BMP-2) qərargah rəisi — tabor komandirinin müavini, mexanikləşdirilmiş taborun (BMP-3) qərargah rəisi — tabor komandirinin müavini, hərbi hissənin döyüş hazırlığı bölməsinin rəisi, motoatıcı taborun komandiri vəzifələrində xidmət edib.[1]
Müxtəlif illərdə müdafiə nazirinin əmrləri ilə 1-ci, 2-ci və 3-cü dərəcəli "Qüsursuz xidmətə görə", Azərbaycan Silahlı Qüvvələrinin 90 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Murovdağ zirvələri uğrunda gedən xüsusi əməliyyata komandiri olduğu hərbi hissənin şəxsi heyəti ilə qatılıb. Sentyabrın 30-da Goranboy rayonunu ərazisində, Gülüstan kəndi istiqamətində döyüş tapşırığının icrası zamanı şəhid olub.[1] Lənkəran rayonunun Ürgə kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Suqovuşanın azad olunmasına görə" və "Vətən uğrunda" medalları ilə təltif edilib.[4][5]
Evli idi, 1 qızı var.
 |
 |
KISS.AZ |  |
 |
|