 |
 |
Kiss.az |  |
 |
Mehman Nəriman oğlu Qənbərov (27 may 1981, Maqsudlu, Ağdam rayonu – 30 sentyabr 2020, Füzuli rayonu) — Azərbaycan Müdafiə Nazirliyinin Quru Qoşunlarının polkovnik-leytenantı; 2020-ci ildə Qarabağ müharibəsi zamanı Füzulinin azad edilməsi uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.[1]
| Mehman Qənbərov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Ağdam rayonu, Azərbaycan SSR |
| Vəfat tarixi | (39 yaşında) |
| Vəfat yeri | Füzuli rayonu, Azərbaycan |
| Dəfn yeri | Bərdə rayonu, Azərbaycan |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2002—2020 |
| Rütbəsi |
 Polkovnik-leytenant |
| Döyüşlər | |
| Təltifləri |
         |
Mehman Nəriman oğlu Qənbərov 1981-ci il, mayın 27-də Ağdam rayonunun Maqsudlu kəndində anadan olub.[2][1]
1998-ci ildə Bərdə rayonunda Ağdam rayonu 132 saylı köçkün tam orta məktəbindən məzun olub. 1998-2002-ci illərdə Azərbaycan Ali Hərbi Məktəbinin Quru Qoşunları fakültəsində təhsil alıb. Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 26 iyul 2002-ci il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 18 il ərzində Azərbaycan Silahlı Qüvvələrin Təlim və Tədris Mərkəzinin tədris prosesinin təminatı taborunun təlim maşınları bölüyünün təlim piyada döyüş maşınları taqımının komandiri, motoatıcı taborun qərargah bölüyünün komandiri, motoatıcı taborun motoatıcı bölüyünün komandiri, mexanikləşdirilmiş taborun qərargah rəisinin maddi-texniki təminat üzrə köməkçisi, mexanikləşdirilmiş taborun qərargah rəisinin maddi-texniki təminat üzrə müavini, motoatıcı taborun qərargah rəisi - tabor komandirinin müavini, motoatıcı taborun komandiri və briqada komandirinin maddi-texniki təminat üzrə müavini - maddi-texniki təminat bölməsinin rəisi vəzifələrində xidmət edib.[1]
Müxtəlif illərdə müdafiə nazirinin əmrləri ilə 1-ci, 2-ci və 3-cü dərəcəli "Qüsursuz xidmətə görə", Azərbaycan Silahlı Qüvvələrinin 90 və 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Füzulinin azad edilməsi uğrunda gedən döyüş əməliyyatlarında briqadanın təminatının təşkilində fərqlənib. Sentyabrın 30-da Füzuli rayonu ərazisində xidməti vəzifəsinin icrası zamanı qarşı tərəfdən aşılan atəş nəticəsində şəhid olub.[1] Bərdə Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Füzulinin azad olunmasına görə" və "Vətən uğrunda" medalları ilə təltif edilib.[4][5]
Evli idi, 2 oğlu var.
 |
 |
KISS.AZ |  |
 |
|