 |
 |
Kiss.az |  |
 |
Nəbi Hacıbala oğlu Hüseynov (9 iyul 1992, Birinci Şıxlı, Qazax rayonu – 9 oktyabr 2020, Füzuli rayonu) — Azərbaycan Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrinin baş leytenantı; 2020-ci ildə Qarabağ müharibəsi zamanı Füzulinin azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Nəbi Hüseynov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Qazax rayonu, Azərbaycan |
| Vəfat tarixi | (28 yaşında) |
| Vəfat yeri | Füzuli rayonu, Azərbaycan |
| Dəfn yeri | Qazax rayonu, Azərbaycan |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Xüsusi Təyinatlı Qüvvələr |
| Xidmət illəri | 2014—2020 |
| Rütbəsi | |
| Döyüşlər | |
| Təltifləri |
     |
Nəbi Hacıbala oğlu Hüseynov 1992-ci il, iyulun 9-da Qazax rayonunun Birinci Şıxlı kəndində anadan olub.[2][1]
2007-ci ildə M. Həsənov adına Birinci Şıxlı kənd tam orta məktəbindən, 2010-cu ildə Cəmşid Naxçıvanski adına hərbi liseydən məzun olub.[1][1]
2010-2014-cü illərdə Heydər Əliyev adına Azərbaycan Ali Hərbi Məktəbinin Quru Qoşunları fakultəsində təhsil alıb. 2015-ci ildə Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Zakir Həsənovun 23 iyun 2014-cü tarixli əmri ilə "leytenant" hərbi rütbəsi, Silahlı Qüvvələrin Baş Qərargah rəisi, general-polkovnik Nəcməddin Sadıqovun 7 avqust 2017-ci il tarixli əmri ilə "baş leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 6 il ərzində dağ-atıcı taborun minaatan batareyasının minaatan taqımının komandiri - batareyanın baş zabiti, motoatıcı taborun (BTR-82A) minaatan batareyasının minaatan taqımının komandiri - batareyanın baş zabiti, xüsusi əməliyyat taborunun xüsusi əməliyyat qrupunun baş kəşfiyyatçısı, xüsusi əməliyyat taborunun xüsusi əməliyyat qrupu komandirinin müavini vəzifələrində xidmət edib.[1]
Müxtəlif illərdə müdafiə nazirinin əmrləri ilə Azərbaycan Silahlı Qüvvələrinin 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Murovdağ zirvələri istiqamətində gedən xüsusi əməliyyata, həmçinin Cəbrayılın, Hadrutun və Füzulinin azad edilməsi uğrunda gedən döyüş əməliyyatlarına qatılıb. Oktyabrın 9-da Füzuli rayonu ərazisində döyüş tapşırığının icrası zamanı şəhid olub.[1] Qazax rayonunun Birinci Şıxlı kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Kəlbəcərin azad olunmasına görə" və "Vətən uğrunda" medalları ilə təltif edilib.[4][5][6][7][8]
Subay idi.
 |
 |
KISS.AZ |  |
 |
|