 |
 |
Kiss.az |  |
 |
Samir Zilfi oğlu Nəbiyev — F57 kateqoriyasında çıxış edən azərbaycanlı paralimpiya atleti. O, üç Paralimpiya Oyunlarında iştirak etmiş, 2012 Yay Paralimpiya Oyunlarında 5-ci, 2016 Yay Paralimpiya Oyunları və 2020 Yay Paralimpiya Oyunlarında isə 7-ci yeri tutmuşdur.
| Samir Nəbiyev | |||||
|---|---|---|---|---|---|
 | |||||
| Şəxsi məlumatlar | |||||
| Vətəndaşlığı | |||||
| Doğum tarixi | |||||
| Doğum yeri | Şəmkir, Azərbaycan SSR, Sovet İttifaqı | ||||
| İdman növü | Atletika | ||||
| Məşqçiləri | |||||
|
Medallar
|
|||||
 Vikianbarda əlaqəli mediafayllar | |||||
Nəbiyev 2011 IWAS Dünya Oyunlarında disk atma yarışının qalibi olmuş,[1] 2013 IPC Atletika Dünya Çempionatında Disk atma (F57 kateqoriyası) üzrə gümüş medal, 2015 IPC Atletika Dünya Çempionatında isə Disk atma (F57 kateqoriyası) üzrə bürünc medal qazanmışdır.
Samir Nəbiyev 27 fevral 1986-cı ildə Şəmkir şəhərində anadan olub. Uşaqlıq illərində uğursuz peyvənd nəticəsində ayaqlarında osteomielit xəstəliyinə tutulub.[2] Beş yaşında olarkən valideynləri onu idmanla məşğul olmağa təşviq ediblər. 2010-cu ildə Samir Nəbiyev Bakıda məşqçi Muxtar Şaxtaxtinski ilə birlikdə peşəkar atletika hazırlıqlarına başlayıb.[3]
2011-ci ildə Nəbiyev Şarjada keçirilən Dünya Oyunlarında disk atma yarışında birinci yeri tutdu. 2012 Yay Paralimpiya Oyunlarında, London şəhərində keçirilən yarışda o, disk atmada 44,78 metr nəticə ilə 5-ci yeri qazandı. 2013-cü ildə Lion şəhərində keçirilən 2013 IPC Atletika Dünya Çempionatında 45,77 metr nəticə göstərərək gümüş medal qazandı.[4] 2015-ci ildə Nəbiyev Dohda keçirilən 2015 IPC Atletika üzrə Dünya Çempionatında disk atma üzrə bürünc medal qazanıb
2017-ci ilin mart ayında Nəbiyev BƏƏ-də keçirilən IX Fazza Qran-Prisində birinci yeri tutdu. Bu yarışda o, 46,67 metr nəticə ilə yeni Avropa rekordu müəyyənləşdirdi və əvvəlki 44,56 metrlik rekordunu geridə qoydu.[3] Həmin il 2017 İslam Həmrəyliyi Oyunlarında, Bakıda keçirilən yarışlarda Nəbiyev iki qızıl medal qazandı.[5] O, güllə atmada 13,95 metr nəticə ilə birinci oldu,[6] və disk atmada isə 45,17 metr nəticə ilə qızıl medal qazandı.[7]
2019-cu ildə, Dubayda keçirilən Dünya Çempionatında Nəbiyev güllə atmada 14,06 metr nəticə ilə 4-cü yeri tutdu.[4] Bu nəticə ona Tokioda keçiriləcək 2020 Yay Paralimpiya Oyunlarına birbaşa vəsiqə qazandırdı.[8] Tokio Oyunlarında, F57 kateqoriyasında çıxış edən Nəbiyev disk atma yarışında 13,12 metr nəticə göstərərək 15 iştirakçı arasında 7-ci yeri tutdu.[9]
 |
 |
KISS.AZ |  |
 |
|
