 |
 |
Kiss.az |  |
 |
Vüsal Şakir oğlu Allahyarov (22 aprel 1988, Sumqayıt – 9 noyabr 2020, Şuşa rayonu) — Azərbaycan Daxili İşlər Nazirliyinin Daxili Qoşunlarının baş çavuşu; 2020-ci ildə Qarabağ müharibəsi zamanı Şuşanın azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Vüsal Allahyarov | |
|---|---|
| Şəxsi məlumatlar | |
| Doğum tarixi | |
| Doğum yeri | |
| Vəfat tarixi | (32 yaşında) |
| Vəfat yeri | |
| Dəfn yeri | |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Daxili İşlər Nazirliyi |
| Qoşun növü |
 Daxili Qoşunlar |
| Xidmət illəri | 2008—2010 / 2011—2020 |
| Rütbəsi | |
| Döyüşlər | |
| Təltifləri |
    |
Vüsal Şakir oğlu Allahyarov 1988-ci il, aprelin 22-də Sumqayıt şəhərində anadan olub.[2]
Sumqayıt şəhər 9 nömrəli tam orta məktəbdən məzun olub.[1]
2008-ci ildə Sumqayıt Şəhər Hərbi Komissarlığı tərəfindən müddətli həqiqi hərbi xidmətə çağırılıb və 2008–2010-cu illərdə Müdafiə Nazirliyinin Gədəbəy rayonunda yerləşən N saylı hərbi hissədə xidmət edib.[1]
2011-ci ilin mayından Daxili Qoşunların sıralarında müddətdən artıq həqiqi hərbi xidmət hərbi qulluqçusu olaraq xidmətə başlayıb. 4 may 2011-ci ildən 6 yanvar 2018-ci ilədək Daxili Qoşunların Quba rayonunda yerləşən N saylı hərbi hissəsinin "Bəbir" xüsusi təyinatlı dəstəsində xüsusi həmlə qrupunda atıcı, snayper, yarımqrup komandiri, snayper qrupunda yarımqrup komandiri vəzifələrində xidmət edib.[1]
"Zoğalı beret" peşə hazırlığı sınaqlarında müvəffəqiyyət qazandığına görə daxili işlər nazirinin müavini—Daxili Qoşunların Komandanı, general-leytenant Şahin Məmmədovun 16 sentyabr 2016-cı il tarixli müvafiq əmrinə əsasən, zoğalı beret daşıma hüququ verilib.
2017-ci ilin avqustunda Türkiyəyə göndərilərək, 2018-ci ilin yanvar ayınadək bu ölkənin Daxili İşlər Nazirliyinin Jandarm Baş Komandanlığının Foçada (İzmir ili) yerləşən Komando Məktəbində komando təməl kursu çərçivəsində ayrı-ayrı istiqamətlər üzrə təlim mərhələlərindən keçib.
2018-ci il, yanvarın 6-dan qoşunların Lənkəran rayonunda yerləşən N saylı hərbi hissəsinin "Gürzə" xüsusi təyinatlı dəstəsində xüsusi həmlə qrupunda yarımqrup komandiri vəzifəsinə təyin olunub.
Müxtəlif illərdə daxili işlər nazirinin əmrləri ilə "Qüsursuz xidmətə görə" 3-cü dərəcəli medalı ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Füzulinin və Şuşanın azad edilməsi uğrunda gedən döyüş əməliyyatlarına qatılıb. Noyabrın 9-da Şuşa istiqamətində döyüş tapşırığının icrası zamanı şəhid olub.[1] Sumqayıt Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Füzulinin azad olunmasına görə", "Şuşanın azad olunmasına görə" və "Vətən uğrunda" medalları ilə təltif edilib.[4][5][6]
Evli idi. Fatimə və Rəhim adında 2 qızı var.
 |
 |
KISS.AZ |  |
 |
|