 |
 |
Kiss.az |  |
 |
 | Bu, keçmiş müzakirələrin arxividir. Zəhmət olmasa, bu səhifədəki məzmunu dəyişdirməyin. Bunun yerinə, buradakı müzakirələrə istinad edə bilərsiniz. Yeni bir müraciət etmək istəyirsinizsə, əsas səhifədən istifadə edə bilərsiniz. |
Salam, hörmətli həmkarlarım. Bir məsələni sizinlə bölüşmək istərdim. AzVikiyə əvvəllər (yəni, ilk gündən bu günlərə qədər) yüklənmiş fayl və ya şəkillərin təftiş edilməsini və naməlum lisenziyalı bütün faylların 2013-cü iliin sonuna qədər xəbərdarlıqsız, qeyd-şərtsiz silinməsini təklif edirəm. Naməlum lisenziyalı fayl və yaxud şəkil dedikdə mənbəsi, etiketi (lisenziyası), kateqoriyası olmayan fayl və ya şəkilləri nəzərdə tuturam. Artıq bu problemin aradan qaldırılması vaxtı yetişmişdir. Bu məsələdə sizlərin də fikirlərini bilmək, ümumi bir konsensusa gəlməmizi istərdim. Səmimiyyətlə: -- ■ Sultan mesaj
Ən çox şəkil yükləyənlərdən biri olaraq təklif edirəm. Yeni və ya təcrübəsiz, yeni istifadəçilər tərəfindən yüklənən şəkillərin silinməsi yolveriləndir. Lakin 14 000 şəkildən 10 minə qədərinin müəllifi olaraq əksəriyyətində lisenziya olsa da hörmətli Sultanın qeyd etdiyi kimi izahat və mənbə yoxdur. Ona görə belə şəkillərə köməkçi olaraq lisenziyalaın əlavə edilməsi daha düzgün olar nəinki balaca bir lisenziya yoxdur deyə kiminsə əziyyətini silməkdən asan bir iş yoxdur. Təftiş işini dəstəkləyir, təcrübəli istifadəçilərin əziyyətinin silinməsinin əleyhinəyəm.--Vüsal Ağayev (talk)
Sortilegus, gör neçə ilin idarəçisisiz. Hamısı silinməlidir, bütün məqalələrdə mənbə olmalıdır, olmayanlar silinməlidir kimi sərt çıxışlarınıza görə vikipediyaya maraq get-gedə azalır və 2008-ci ildən bəri bu təhlükəni görüb demişdim və indi də təkrar edirəm. Bu layihəyə marağın azalmasına səbəblərdən biri məhz bu sərt qərarlar olub. Bu da istifadəçinin vikipediyaya etimadını azaldıb. Əksəriyyətin fikri belədir ki, niyə yazıram, niyə yükləyirəm onsuz da silinəcək. Siz bəzi idarəçilər elə avtomatik sərt qərar qəbul edirsiz ki, sanki vikimediya stüardları sizi bu şəkillərə görə top atəşinə tutub. Mən qəti əleyhinəyəm. Lisenziyası olmayan şəkillərə də lisenziya əlavə edilməlidir. Silinməməlidir.--Vüsal Ağayev (talk)
Elə şəkillər vardır ki, Commonsun sərt qaydaları, bəzi qərəzli istifadəçilərin "canfəşanlığı" nəticəsində oradan çıxarılır. Məsələn tutaq ki, hər hansı ensiklopedik şəxs nə vaxtsa şəkil çəkdirib və o şəkli Vikipediyaya yerləşdirmək istəyir. Commons fotoqrafdan icazə tələb edir. İndi o yazıq fotoqrafı haradan tapsın. Fotoqraf pulunu alıb, şəkli də yiyəsinə verib, çıxıb gedib (bəlkə də vəfat edib). Qalan problemləri özünüz məndən yaxşı bilirsiz. Ona görə də bəzi şəkillərin lisenziya əlavə etməklə burada qalması daha düzgündür. --Irada (talk)
İdarəçi həmkarlarımı salamlayıram. Bizim çox dəyərli həmkarımız Babək Akifoğlu (müzakirə • töhfələr • statistikalar) idarəçi seçkilərində böyük etimad qazanıb idarəçi seçiləndən sonra sayımız 15-ə çatdı. İnanıram ki, Babək bu statusa tam layiq bir şəkildə fəaliyyət göstərəcək. Amma çox təəssüf ki, aktivlik nümayiş etdirməyən idarəçilərimiz də var və sayları nə 1, nə də 2-dir. Bununla bağlı mən müəyyən tədbirlər görməyin zamanının artıq yetişdiyini düşünürəm və mövcud qanunlara düzəlişlər hazırlayıram. Sonra bu düzəlişləri səsverməyə çıxaracam və əgər dəyərli fəal istifadəçilərimiz də bu dəyişikləri dəstəkləyərlərsə ən pis halda 6 ayda fəal olmayan idarəçilərimiz avtomatik olaraq bu statuslarından məhrum olunacaqlar. Düşünürəm ki, ilkin mərhələdə 6 ay ərzində azvikidə ən azından 200 redaktə etməyən idarəçilərimizin statusu alınmalıdır. Mən 1 yanvar - 1 iyul 2013-cü ilə olan idarəçi redaktəsi statistikasını istifadəçilərimizə təqdim etməyi təklif edirəm və xahiş edirəm idarəçilərimiz özləri bu göstəricilərini aşağıda öz istifadəçi adları önündə qeyd etsinlər. Qeyd etməyənləri mən hesablayıb yazacam (2 idarəçimizin göstəricisi 0 redaktədir).--Sortilegus (talk)
Salamlar. Bu istifadəçinin müxtəlif müzakirə səhifələrində yazdıqlarını ciddi nəzarətdə saxlamağı təklif edirəm. Həddindən artıq qayda pozuntularına yol verir və nədənsə, idarəçilər buna diqqət etmirlər. Son bir aydakı təhqir, təhdid və qaydalara zidd şərt qoyması və tələblər irəli sürməsinə görə tərəfimdən 1 ay müddətinə bloklanmışdır. Xahiş edirəm ki, gələcəkdə bu cür hallara yol verən, Azərbaycandilli Vikipediyanı, istifadəçiləri təhqir edən şəxslərin dərhal və qeyd-şərtsiz xəbərdarlıq almasına və ya bloklanmasına nəzarət edəsiniz. Əgər istifadəçi yenidirsə, o zaman xəbərdarlıq, əgər təcrübəlidirsə, blok və üstəlik təcrübəsi nə qədər çoxdursa, blok müddəti bir o qədər çox müəyyən edilməlidir. Çünki o qaydaları bildiyi halda pozur, yeni istifadəçilər isə çox vaxt qaydalardan xəbərsiz olurlar. Wertuose (talk)
 |
 |
KISS.AZ |  |
 |
|
