Vikipediya Ana Sehife Xeberler Sentyabr 2020 - Wikipedia - Kiss.az

---

36. Həftə

• Münhen tarixində ilk dəfə gecələr ictimai yerlərdə alkoqollu içkilərin satılması və ya içilməsinə qoyulan qadağa tətbiq olunub.
• Yaponiyanın Baş Naziri Şinzo Abe (şəkildə) səhhətində yaranmış problemlə əlaqədar istefa verdiyini bəyan edib.
• Almaniyanın paytaxtı Berlin şəhərində yeni növ koronavirus infeksiyası ilə bağlı tətbiq edilən məhdudiyyətlərə qarşı keçirilən icazəsiz nümayişlər zamanı 300-dən çox aksiya iştirakçısı tutulub.
• Afrikanın qərbindəki Qvineya körfəzində dəniz quldurları bir balıqçı gəmisini qaçırıblar.
• Birləşmiş Ərəb Əmirlikləri İsrailə qarşı iqtisadi boykotu ləğv edib

bax – müzakirə et – redaktə et – tarixçə

---

37. Həftə

• Qarışıq döyüş növləri üzrə UFC çempionatı döyüşçülərdə koronavirus aşkar edildiyi üçün Las Veqas turnirindəki iki döyüşü ləğv edib.
• Qazaxıstan hökuməti ölkə rəsmilərin və onların ailə üzvlərinin xaricdə bank hesablarına malik olması qadağan edib.
• İtaliyada şair və ədəbi italyan dilinin banisi Dante Aliqyerinin (şəkildə) vəfatının 700 illiyi münasibətilə xatirə ilinə start verilib.
• Tacikistanın hakim Xalq Demokratik Partiyası keçmiş Sovet məkanında ən uzun hakimiyyətə sahib hazırkı prezident Emomali Rahmonun 6-cı dəfə prezidentliyə namizədliyini rəsmən irəli sürüb.
• Braziliya Xarici İşləri Nazirliyi Venesuelanın dövlət başçısı Nikolas Maduro hakimiyyətini təmsil edən bütün diplomatlarını arzuolunmaz şəxs elan edib.

bax – müzakirə et – redaktə et – tarixçə

---

38. Həftə

• Bir vaxtlar keçmiş Yuqoslaviyada ən uca bina, Belqradın mərkəzində yerləşən görməli yerlərindən biri olan "Belqradyanka" sarayı (şəkildə) 16,5 milyon avroya satılıb.
• Rusiyalı aktyor Mixail Yefremov ölümlə nəticələnən yol qəzası törətdiyi üçün 8 il müddətinə azadlıqdan məhrum edilib.
• İtaliyada 90 min otel, turizm sektoruna aid ticarət obyekti, kafe, restoran və bar koronavirus böhranı ilə əlaqədar fəaliyyətlərini dayandırmalı olub.
• İranın tanınmış güləşçisi Navid Əfkari 2018-ci ildə ölkənin cənubundakı Şiraz şəhərində hökumətə qarşı etiraz nümayişi zamanı su şirkətinin bir işçisini (başqa məlumata görə təhlükəsizlik keşikçisini) bıçaqla öldürməkdə təqsirli bilinərək edam edilib.
• Qətərin paytaxtı Dohada "Taliban" hərəkatı ilə Əfqanıstan hökuməti arasında sülh danışıqları başlayıb.

bax – müzakirə et – redaktə et – tarixçə

---

39. Həftə

• Sentyabrın 27-də saat 06:00 radələrində Ermənistan Silahlı Qüvvələri cəbhəboyu zonada yerləşən Azərbaycan Ordusunun mövqelərini və yaşayış məntəqələrini iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Azərbaycan Ordusu tərəfindən cavab tədbirləri görülür.
• İtaliyada keçirilən referendumda səs verənlərin 60 faizi parlamentin üçdə bir hissəsinin ixtisar edilməsini dəstəkləyib.
• Böyük Britaniyada koronavirusa görə tətbiq olunan məhdudiyyətlər daha 6 ay uzadılıb.
• Birləşmiş Ərəb Əmirlikləri və Bəhreyn İsrail ilə münasibətləri normallaşdırmasına etirazını bildirən Fələstin Ərəb Liqasına sədrlikdən imtina edib.
• Çinin Quançjou (şəkildə) şəhərində bıçaqla silahlanmış şəxs uşaq bağçasının yaxınlığında ətrafdakılara hücum zamanı 7 nəfər xəsarət alıb.
• ABŞ Ədliyyə Nazirliyi insan alverinə qarşı mübarizə üçün 101 milyon dollar məbləğində qrant ayrıldığını elan edib.

bax – müzakirə et – redaktə et – tarixçə