Vikipediya Berpa Ucun Namized Sehifeler - Wikipedia - Kiss.az

Şəxsin ensiklopedik əhəmiyyətliliyi həm sənətşünas həm də rəssam olaraq müxtəlif ensiklopediyalarda haqqında yazılmış materiallardan aydın görünür. Nümunə-https://famous-scientists.ru/anketa/mamedova-lyaman-aslan-17621. Digər birinci və ikinci dərəcəli mənbələr axtarışla asanlıqla tapıla bilir. İlk yaradılan məqalə (2022-ci ildəki) yəqin ki, istinadlar olmadan naşı şəkildə yazılıb və buna görə də silinməyi məqsədəuyğun hesab edilib. Tərəfimdən yazılan məqalədə isə (2025) həm birinci dərəcəli, həm də ikinci dərəcəli mənbələrə kifayət qədər istinad var. Aşağıdakı iki standartı əsas götürürəm.

`Əgər silinən səhifə təkmilləşdirilmiş, silinmiş versiyasından əhəmiyyətli dərəcədə fərqlənəcək şəkildə yenidən yaradılmışdırsa ` - VP:Ü4 -ə istinadən.

`Əgər mövzu ensiklopedikdirsə və məzmun neytral mövqedən çıxış edilərək yenidən tərtib oluna bilərsə, silmə tövsiyə olunmur. ` - VP: Ü11

İndi isə prosesə nəzər salaq. Məqalə üzərində işləyərkən əvvəlcə vikiləşdirmə şablonunun qoyulması (təqdirəlayiq haldır) sonra isə sil şablonu qoyulmadan silinməsi (zənnimcə bu netiketə uyğun hal deyil) baş verib.

Məqaləni yaradarkən aşağıdakı məqalə yaratma qaydasını rəhbər tutmuşam:

"Məzmun azlığı və ya uyğun olmayan məzmun səbəbi ilə bir məqalə silinibsə (sürətli silmə kriteriyaları ilə) və eyni mövzuda daha yaxşı bir məqalənin yaradılması istənirsə, nəyisə nəzərdən keçirməyə ehtiyac qalmadan keyfiyyətli məqalə yaratmağa davam edə bilərsiniz. Etibarlı mənbələrə əsaslan bir məqalə yaratmaq alternativi olduğu təqdirdə mənbəsiz bir qaralamanın silinmə keçmişini araşdırmaq vaxt itkisidir."

Məqalənin qalmasının azvikini zənginləşdirdiyini düşünürəm. Ümumiyyətlə hörmətli həmkarlar gəlin məqalələri silməyə tələsməyək. Əgər nəyi isə düzəltmək mümkündürsə onu inkişaf etdirmək hər zaman silməkdən daha xeyirli addımdır.

Bütün bunları nəzərə alaraq səhifənin bərpa edilməsini xahiş edirəm.

Əlavə qeyd: Yaradıcı mütəxəssislər altbölməsində - Rəssamlar haqqında ensiklopedik əhəmiyyətlilik meyarlarının işlənib hazırlanmasını təklif edirəm. Digər sənət adamları ilə müqayisədə ensiklopedik əhəmiyyətlilik meyarlarında rəssamlar haqqında heç nə yoxdur. Əvvəlcədən təşəkkürlər. PrinceValiant (müzakirə) 17:36, 21 mart 2025 (UTC)Cavabla

  Bərpa olunmasın: Bütün istinadlardan yalnız biri düzgün istinaddır: [1]. Qalanları şəxsin mətbuatdakı məqalələri, və məqalələrinin məlumatıdır. Ensiklopedikliyin əsas kriteriyasını, yəni "əgər şəxs haqqında etibarlı, bir-birindən və mövzudan asılılığı olmayan ikinci dərəcəli mənbələrdə əhəmiyyətli məlumat mövcuddursa, o ensiklopedik hesab oluna bilər" kriteriyasını ödəmir. Yousiphh (müzakirə) 13:16, 28 mart 2025 (UTC)Cavabla

1 2 3 4 Buyrun. PrinceValiant (müzakirə) 23:19, 29 mart 2025 (UTC)Cavabla

Kitabların şəkillərinə silinməyə namizəd şəkillər şablonu qoymanız düzgün deyil. Bu məqalənin bərpa üçün müzakirəsinə birbaşa təsir göstərən addım olduğu üçün şəkillər buradakı müzakirə sonlandırılana qədər silinməməlidir. Məqalə bərpa olunduqdan sonra oradakı qalereyada bir kitab şəkli kifayət edəcəkdir. Hal hazırda isə bu istifadəçi rəyini müəyyən məcraya yönəltmək cəhdidir. PrinceValiant (müzakirə) 21:57, 13 aprel 2025 (UTC)Cavabla

  Şərh: Sənətşünaslıq sahəsi olduqca çətin, səbr tələb edən, savad tələb edən, bunların müqabilində bu sahə ilə məşğul olan sənətşünasları maddi və iqtisadi cəhətdən yetərincə təmin etməyən sahədir. Bu sahədə hər adam yox, yalnız sənətşünaslığa sonsuz sevgi və məhəbbətləri olan fanatlar duruş gətirib fəaliyyət göstərə bilərlər. Çağdaş günlərimizdə belələri barmaqla sayılacaq qədər az olsalar da vardır və bu çətin yolda inamla irəliləyirlər. Şəxs sadəcə sənətşünas yox həm də rəssamlıq və pedaqoji fəaliyyət ilə məşğul olur. Səhifənin bərpasında bütün bunları da nəzərə almaq lazımdır. --PrinceValiant (müzakirə) 23:41, 29 mart 2025 (UTC)Cavabla

Yox, alınmamalıdır. Vikipediya məqalələri mənbələrə əsasən yazılır. Kiminsə hansısa sahəyə "sonsuz sevgi və məhəbbəti"nin olması onu ensiklopedik şəxs etmir. Bura ensiklopediyadır, mübaliğəli cümlələr burada nə üçünsə əsas götürülmür. Nemoralis (müzakirə) 01:24, 30 mart 2025 (UTC)Cavabla

Məqalənin hazırkı versiyasında NPOV-dən yazılıb və hər hansı mübaliğə yoxdur. Burda yazdıqlarım isə "Bioqrafik məqalədə barəsində söhbət gedən şəxs "diqqətəlayiq" olmalıdır. Yəni "haqqında Vikipediya məqaləsi yazılacaq dərəcədə əhəmiyyətli, maraqlı və ya qeyri-adi" olmalıdır." - Vikipediya:Ensiklopedik əhəmiyyətlilik (şəxslər) prinsipində qeyd olunan şərti ödədiyini göstərmək üçündür. "Bioqrafiyalar üçün nəzərdə tutulmuş bu qaydalar Vikipediyanın siyasəti deyil, bu qaydaların tətbiqi şəxs haqqında məqalənin yazılması, birləşdirilməsi, silinməsi və ya genişləndirilməsi barədə qərarları ifadə edən, müzakirələr yolu ilə nail olunan və qəbul olunmuş praktika ilə təsdiqlənən konsensusdan asılıdır." Şəxsin ensiklopedik olmasını iki müxtəlif ensiklopediyada haqqında məqalə olması sübut edir. Bunlardan ilki yuxarıda qeyd edilib. İkincisi isə Naxçıvan rəssamlarının ensiklopediyası. Naxçıvan. 2022, s 113.-dədir. İkinci mənbə onlayn deyil. Ensiklopediya fiziki kitab olaraq məndə var. Şəklini çəkib ata bilərəm. PrinceValiant (müzakirə) 01:57, 30 mart 2025 (UTC)Cavabla

Mənbə varsa çox gözəl, onlar müzakirə olunsun. Yoxsa nə bilim, sənətə belə sevgisi var, elə məhəbbəti var kimi söhbətlər ensiklopediya üçün əsas ola bilməz. Nə də vəziyyətinə görə nəsə güzəşt zad etmək olmaz. Konkret qaydalar var. Nemoralis (müzakirə) 02:00, 30 mart 2025 (UTC)Cavabla

Sizə müraciət edərək Süleyman Cəfərov Kərəm oğlu haqqında yaradılmış, lakin silinmiş məqalənin bərpasını xahiş edirəm.

Süleyman Cəfərov – Vətən müharibəsinin iştirakçısı, baş leytenant, müxtəlif medallarla təltif olunmuş hərbiçi və hazırda "Xüsusi Təyinatlıların, Şəhid Ailələrinin və Veteranların İctimai Birliyi"nin Abşeron rayon rəhbəridir. Eyni zamanda o, idmanda da uğur qazanaraq Azərbaycan çempionu olmuş, geniş ictimai fəaliyyətlə məşğul olan şəxsdir.

Haqqında çoxsaylı tanınmış KİV-lərdə məlumat dərc olunmuşdur. Məqalə ensiklopedik üslubda yazılıb, istinadlarla zəngindir və vikiləşdirilmişdir.

Zəhmət olmasa, təqdim olunan bu əsaslara əsaslanaraq, məqalənin bərpası məsələsini nəzərdən keçirəsiniz. Əlavə düzəlişlər tələb olunarsa, məmnuniyyətlə əməkdaşlığa hazıram.

Hörmətlə,

[jafaroffwiki] JafaroffWiki (müzakirə) 21:01, 14 aprel 2025 (UTC)Cavabla

Qaralama versiyasına keçid və ya link əlavə edin. 109.127.39.48 14:43, 15 aprel 2025 (UTC)Cavabla

Daha əvvəllər uyğun formada olmadığı üçün silinibmiş. Lakin hazırda "Scopus" məlumat bazasında jurnal qeydiyyatdadır. Vikipediyanın şərtlərinə görə mətbuatın ensiklopedikliyi baxımından "Scopus"da qeydiyyatda olması mühüm rol oynayır. Həmçinin jurnal haqqında bir çox yerli və beynəlxalq nüfuzlu mənbələrdə məlumatlar, elektron kataloq və xarici universitetlərin kitabxanalarında sayları yer almışdır. -- Rüfət Həsənli 19:49, 10 may 2025 (UTC)Cavabla

  Şərh: İkincili və etibarlı mənbələr əsasında məqaləni daha da zənginləşdirdim. -- Rüfət Həsənli 19:59, 7 iyun 2025 (UTC)Cavabla

  Şərh: @White Demon, @Nemoralis, @Sortilegus, @Araz Yaquboglu, @ChanisCaucasi, Sizlərin və qeyd etmədiyim digər həmkarlarımın təcrübənizə etimad edərək müzakirəyə dəvət edirəm. Məqalənin statusu ilə bağlı, zəhmət olmasa, öz fikir və təkliflərinizi bildirər, mövqenizi ortaya qoyaraq aqibətini müəyyənləşdirməkdə yardım edərdiniz. Öncədən hər birinizə təşəkkürlər. -- Rüfət Həsənli 20:09, 7 iyun 2025 (UTC)Cavabla

•   Bərpa olunsun: məqaləni oxudum, tam ensiklopedik mövzudur. Görünür ki silinərkən belə olmayıb. --Araz Yaquboglu (müzakirə) 04:59, 8 iyun 2025 (UTC)Cavabla

Hörmətli idarəçilər,

2019-cu ildə “qeyri-ensiklopedik” əsası ilə silinmiş "Zərəngiz Şıxlı" səhifəsinin bərpası üçün yenidən müraciət edirəm.

Artıq şəxs barəsində geniş və sübutlu məlumatlar toplanmış, aşağıdakı əsaslandırmalar hazırlanmışdır:

✅ Elmi və texniki fəaliyyəti: - Texnika elmləri namizədi

- AMEA Neft Kimya Prosesləri İnstitutunda baş elmi işçi

- 12 elmi məqalənin müəllifi (1974–1987)

- 7 müəlliflik şəhadətnaməsi (SSRİ-də qeydiyyatdan keçmiş)

- Məqalələri: *Azərbaycan Neft-Kimya Jurnalı*, *Voprosı Nefteximii*, *RJX*, *Obzor inostrannıx patentov*

✅ Ədəbi fəaliyyəti:

- Azərbaycan Yazıçılar Birliyinin üzvü (2016)

- 9 kitab müəllifi:

 * "İnsan üçün həyatın mənası nədir?" (I və II cild, 2004–2005)
 * "Həyat fəlsəfəsi" (2011)
 * "Qartal görkəmli Azərbaycan" (2013)
 * "Fəlsəfi mülahisələrimin təhlili" (2015)
 * "Düşündürən düşüncələrim" (2018)
 * "Fəlsəfi ideyalar poeziya çələngində" (2019)
 * "Ruh, Şüur və Fəlsəfə" (2022)
 * "HAMI ÜÇÜN" (2024)

✅ Haqqında olan məqalələr və açıq mənbələr:

- "Alternativ" qəzeti (2004)

- "Vışka", "Dəli Kür", "Müstəqil Respublika", "Kredo", "Bütöv Azərbaycan" qəzetlərində dəfələrlə işıqlandırılıb

✅ Təltif və tanınma:

- “Qızıl Qələm” media mükafatı (2018)

- “Əmək veteranı” medalı

Hazırda biz bütün bu faktları etibarlı şəkildə istinadlarla təqdim edən qaralama səhifə üzərində işləyirik. Xahiş edirik, bu əsaslarla səhifənin **BNS çərçivəsində bərpası və təkrar səsverməyə təqdim olunması üçün icazə verəsiniz.

Hörmətlə, Nicat Abdullayev

• Zərəngiz Şıxlı – "İnsan üçün həyatın mənası nədir?" (1-ci cild)
  Zərəngiz Şıxlı – "İnsan üçün həyatın mənası nədir?" (1-ci cild)
•  
  1-ci cild, səhifə
• 2-ci cild
  2-ci cild
•  
  2-ci cild, səhifə
•  
  "Həyat fəlsəfəsi" (səhifə)
•  
  Kitabdan səhifə
•  
  Səhifə
•  
  Kitablar, uğurlar, mükafatlar
•  
  Səhifə
•  
  Səhifə
•  
  Səhifə
• “Əmək veteranı” medalı
  “Əmək veteranı” medalı
•  
  Azərbaycan Yazıçılar Birliyi – üzvlük
•  
  Sənəd
•  
  İxtira şəhadətnaməsi
•  
  Səhifə
•  
  Səhifə
•  
  Səhifə
•  
  Səhifə
•  
  Səhifə
•  
  Qəzetdə çap olunma
•  
  Səhifə
•  
  Səhifə

Bu səhifə Vikipediya:Silinməyə namizəd səhifələrdə yenidən qiymətləndirilmək üçün təqdim olunmuşdur. Lindorkins (müzakirə) 10:30, 23 may 2025 (UTC)Cavabla

Salam. Məqaləni bərpaya təqdim etmək üçün qaralama versiyasını hazırlamaq lazımdı — Bikar ^müzakirə 10:49, 23 may 2025 (UTC)Cavabla

Qaralama səhifəsi: Buradan baxa bilərsiniz

Əvvəlcədən təşəkkür edirəm.

Lindorkins (müzakirə) 13:32, 23 may 2025 (UTC)Cavabla

  Bərpa olunmasın: Şəxs açıq-aydın ensiklopedik deyil. Məqalənin bərpasını istəyən istifadəçiyə bunu xatırladıram: Ensiklopedikliyin əsas kriteriyasını, yəni "əgər şəxs haqqında etibarlı, bir-birindən və mövzudan asılılığı olmayan ikinci dərəcəli mənbələrdə əhəmiyyətli məlumat mövcuddursa, o ensiklopedik hesab oluna bilər" kriteriyasını ödəmir. Yousiphh (müzakirə) 12:28, 25 may 2025 (UTC)Cavabla

Salam. Şəxsin ensiklopediklik tələblərinə uyğun fəaliyyətinin olduğunu düşünürəm. İlk növbədə, Ülvi Mansurov Azərbaycan İnvestisiya Şirkətinin direktorudur. Sözügedən şirkət Azərbaycan Prezidentininn müvafiq Sərəncamı ilə 2006-cı ildə yaradılıb. Keçmişdə isə bank rəhbəri və "Azərpoçt"un baş direktoru olub. Elm sahəsində də göstəricilər yüksəkdir. İlkin olaraq iqtisadiyyat üzrə fəlsəfə doktoru, 2024-cü ildə isə Vorvik Universitetində doktorluq elmi dərəcəsini alıb. Bu göstəricilərin şəxsi ensiklopedik etdiyini düşünürəm.

PS: Vikimedia Fondunun qaydalarına uyğun olaraq məqalə ilə bağlı xüsusi maraqlarımın olmadığını bildirirəm. Yekun qərar fikir bildirən icmanındır. — Toghrul R (m) 06:09, 26 may 2025 (UTC)Cavabla

•   Bərpa olunsun: fəaliyyətinə baxdım, ensiklopedik olduğu aydın görünür. --Araz Yaquboglu (müzakirə) 06:34, 26 may 2025 (UTC)Cavabla

  Mənbələr çox azdır, mənbəsiz paraqraflar çoxdur --► Hörmətlə: ChanisCaucasi 23:13, 7 iyun 2025 (UTC)Cavabla

Azərbaycan Respublikası Konstitusiyasının (https://e-qanun.az/framework/897) 95-ci maddəsinin I hissəsinin 3-cü bəndinə əsasən “inzibati ərazi bölgüsü” müəyyən edilir. Həmin maddənin II hissəsinə əsasən isə I hissənin 3-cü bəndi üzrə Milli Məclis 63 səs çoxluğu ilə qanunlar qəbul edir. Bələdiyyələrin əraziləri və torpaqları müəyyən edilən zaman Konstitusiyanın eyni bəndinə istinad edilir. Məsələn, bu mövzuda ən sonuncu qəbul olunmuş 18 oktyabr 2024-cü il tarixli 51-VIIQD nömrəli Qanunun giriş hissəsində yazılıb: “Azərbaycan Respublikasının Milli Məclisi Azərbaycan Respublikası Konstitusiyasının 95-ci maddəsinin I hissəsinin 3-cü bəndini rəhbər tutaraq”. Deməli, Azərbaycan Respublikasında kənd, qəsəbə və şəhərlər necə yaradılırsa və onların əraziləri necə müəyyən olunursa, bələdiyyələrin də əraziləri eyni hüquqi əsaslarla və eyni proseduralar tətbiq olunmaqla müəyyən olunur. Lakin bələdiyyələr, kəndlərdən fərqli olaraq, bundan da artıq dövlət və qeyri-dövlət qurumları ilə razılaşdırılmalı olduğuna görə, prosedur daha mürəkkəb şəkildə icra olunur, bu da, hüququn ümumi prinsipləri baxımından, sənədin mötəbərliyini artırır. 2025-ci ildə bələdiyyələrin səlahiyyətləri bir qədər də artırılıb və ilin sonuna qədər yerli nümayəndəliklərin əsas səlahiyyətləri də bələdiyyələrə ötürüləcək. Bu baxımdan, bələdiyyələrin əhəmiyyəti inzibati ərazi vahidi kimi kənd və qəsəbələrin yerli idarəsindən daha önəmlidir. Azərbaycan Respublikası qanunvericiliyinin tərkib hissəsi olan “İnzibati ərazi bölgüsü təsnifatı”nda (Dövlət Statistika Komitəsi tərəfindən təsdiq olunur) kəndlərə, qəsəbələrə və şəhərlərə verilən statistika kodların verilməsi ilə eyni metodologiya üzrə bələdiyyələrə də eyni siyahılarda kodlar verilir. Bu kodlar siyahı üzrə növbəti rəqəmlərlə ifadə olunur və beləliklə, Dövlət Statistika Komitəsi də, Milli Məclis kimi, bələdiyyələrlə digər inzibati ərazi vahidləri arasında fərq qoymur. Vikinin başqa dillərdə olan versiyalarında ayrı-ayrı ölkələrin bələdiyyələri barədə ayrıca məqalələrə rast gəlmək olar. Həmin ölkələrin bəzilərindəki bələdiyyə orqanlarının səlahiyyətləri Azərbaycandakı bələdiyyə orqanlarının səlahiyyətlərindən prinsipcə (qanun üzərində) fərqlənmir. Vikidə isə sırf Azərbaycanla bağlı hər kənd, qəsəbə və şəhər  üçün ayrıca məqalə olduğu təqdirdə, hər bələdiyyə üçün məqalələr mövcud deyil. Bir bələdiyyələr, adətən, bir neçə inzibati ərazi vahidini əhatə edir. Bələdiyyənin həyatında baş verən tarixi hadisələr kəndlərin həyatında baş verən tarixi hadisələrə təsir etməklə yanaşı, ümumi məsələləri də var ki, onları kəndin, qəsəbənin və ya şəhərin tarixi hesab edə bilmərik. Bunlar daha ümumi (bələdiyyələrə daxil olan bütün kəndlərə təsir edən) dəyişiklikləri özündə ehtiva edir. Bundan başqa, sırf bələdiyyəyə aid məsələlər var ki, yalnız bələdiyyəyə aid məqalədə əks olunmalıdır. Onları vikipediyanın başqa məqalələrində əks etdirmək olmaz.

Araşdırmalar onu göstərir ki, Azvikidə əvəllər hər bələdiyyə üçün ayrıca məqalələr olub, lakin onlar silinərək siyahıya yönləndirilib.

Yuxarıda qeyd edilənləri nəzərə alaraq, bələdiyyələr üçün əvəllər azvikidə yaradılmış ayrıca məqalələrin bərpa edilməsi xahiş olunur. Lawyer.F (müzakirə) 07:37, 26 may 2025 (UTC)Cavabla

•   Bərpa olunsun: Bələdiyyə məqalələrinin çoxunu vaxtilə mən yaratmışdım. SNS olunarkən mən silinməyə qarşı idim. Əslində çox istifadəçi də qarşı idi. Əgər səhifələr bərpa olunarsa genişləndirilməsində mən də yardımçı ola bilərəm. Bərpa üçün də təklif edən Lawyer.F-in arqumentləri yerli-yerindədir. Yəni mövzu ensiklopedikdir. --Araz Yaquboglu (müzakirə) 12:56, 27 may 2025 (UTC)Cavabla

•   Bərpa olunsun: Yuxarı qeyd olunan fikirlərə qatılıram. -- Rüfət Həsənli 18:41, 5 iyun 2025 (UTC)Cavabla

    Bərpa olunsun: arqumentlər, düşünürəm ki, əsaslıdır. --► Hörmətlə: ChanisCaucasi 18:48, 5 iyun 2025 (UTC)Cavabla