 |
 |
Kiss.az |  |
 |
Bayram Məhəmməd oğlu Məmmədov 22 mart 1970-ci ildə Laçın rayon Minkənd kəndində anadan olub.1977-1987ci illərdə Minkənd kənd Tam orta məktəbini bitirib. Atası- Məhəmməd Məmmədov usta idi.Minkəndə bir cox evlərin tikintisində iştirak etmişdi. O, 2020-ci ildə vəfat etmişdir.Anası- Zərif Məmmədova evdar xanım idi.O,2024-cu ildə vəfat etmişdir. Bayram Məmmədovun ailədə 3 qardaşı-Sadığ,Qılman,Namizəli və 6 bacisi- Təranə,İfadə,Ağca,Xalidə,Gülnarə,Nəsibə olmuşdu.
Azərbaycan Respublikası Prezidentinin 30 iyun 2005-ci il tarixli 867 saylı sərəncamı ilə Azərbaycan Respublikası ərazi bütövlüyünün təmin edilməsində və xidməti vəzifələrin yerinə yetirilməsində şücaət və igidlik göstərdiyinə görə Azərbaycan Respublikası Daxili İşlər Nazirliyinin polis serjantı Məmmədov Bayram Məhəmməd oğlu (ölümündən sonra) “Vətənb uğrunda” medalı ilə təltif edilmişdir.
Laçın rayonunun Minkənd kənd orta məktəbinə Bayram Məhəmməd oğlu Məmmədovun adı verilmişdir.
Şəhid, qəhrəman Bayram Məhəmməd Oğlu Məmmədovun əziz xatirəsinə Minkənd igidlərin oylaq yeridir, Qədim diyarımın yaylaq yeridir. Laçın dağlarımın zirvəsindədir, Vətənimin gözəl sinəsindədir. Yadıma salıram xoşbəxt anları, Var qoçaq, işgüzar, mərd insanları. El-oba firavan yaşayırdılar, Nənələr nəvəsin oxşayırdılar. Birdən qara bulud bürüdü kəndi, Həkəri coşaraq aşırdı bəndi. Daşnak ermənilər hücum etdilər, Qanqal kimi meşələrdə bitdilər. Kəndin oğulları silahlandılar, Şəhid olanları bir an andılar. Bayram ön cərgədə mətin gedirdi, Polis alayında xidmət edirdi. Bayram döyüşürdü sirtək, inamla, Yurdu qoruyurdu necə ilhamla. Bayram düşmənlərə sinə gətirdi, Erməni quldurun hey gəbərdirdi. Təpədən dirnağa silahlı düşmən, Şəhid qanı ilə sulandı çəmən. Namərd ermənilər qəfil vurdular, İgid oğullara necə qıydılar? Ey şəhid atası, Məhəmməd dayı, Uca tut başını, yox şəhid tayı. Dahi rəhbər ilə görüşən zaman, Kövrəldin qürurdan bilirəm yaman. Şəhid ataları ağlamaz inan, Anan doğub səni bil ki, qəhrəman. Vətənin yolunda canından keçən, Xoşbəxtdir o cənnət yolunu seçən. Şəhidlər ucalır ali zirvəyə, Çox fikir edirsən, ay ana, bəs niyə? Anılır hər zaman şəhid qardaşım, Quruyar bir zaman mənim göz yaşım. Bayram hər bir gəncə bir örnək oldu, Ruhu asimanda əbədi qaldı. Adını daşıyır Minkənd məktəbi, Raufun yenə də coşur hey təbi. Qələbə çalarıq Şuşa, Laçında, Sevinər Həkəri, Minkənd, Xaçın da.
Müəllif:Rauf İlyasoğlu https://zim.az/azerbaycan/qarabaq/1945-bayram-n-uca-zirvlrddir..html
https://xebertime.az/gundem/2830-shehid-qehreman-bayram-mehemmed-oglu-memmedov.html
 |
 |
KISS.AZ |  |
 |
|