 |
 |
Kiss.az |  |
 |
Deymon Albarn (ing. Damon Albarn; 23 mart 1968[1], Vaytçepel[d], Böyük London) — İngiltərə musiqiçisi, müğənni-mahnı yazarı, prodüser. Rok qrupu "Blur"un frontmeni və virtual qrup "Gorillaz"ın yaradıcılarından biri. "Ayvor Novello" mükafatı və "Britaniya imperiyası" ordeni laureatı.[4][5] Onun digər qruplarına "The Good, the Bad & the Queen" və "Rocket Juice & the Moon" daxildir.
| Deymon Albarn | |
|---|---|
_(cropped).jpg) Deymon Albarn "Blur" ilə verdiyi konsert zamanı (2023-cü il, Uembli Stadionu) | |
| Ümumi məlumatlar | |
| Doğum tarixi | 23 mart 1968[1] (57 yaş) |
| Doğum yeri |
|
| Uşağı | Missi Albarn (1999) |
| Partnyoru |
|
| Musiqiçi məlumatları | |
| Fəaliyyəti | musiqiçi, müğənni-mahnı yazarı, multi-instrumentalist[d], musiqi prodüseri |
| Fəaliyyət illəri | 1988-ci ildən |
| Janrlar | alternativ rok, indi-rok, Britpop[d], worldbeat[d], alternativ hip-hop, dünya musiqisi[d], hip-hop[d], art-rok[2] |
| Musiqi alətləri | gitara[3], melodika[d], piano[3], skripka, elektron klaviatura[d], bas-gitara, zərb aləti maşını[d], sintezator, ukulele |
| Səs tembri | bariton |
| Albom şirkətləri | Parlophone, Food Records[d], Virgin Records, Honest Jon's[d], EMI[d] |
| Təhsili | |
| Üzvlüyü | |
| Mükafatları |
 |
| damonalbarnmusic.com | |
 Vikianbarda əlaqəli mediafayllar | |
Deymon Albarn Londonun Vaytçepel rayonunda doğulub.[6] Onun özündən kiçik, 1971 təvəllüdlü Cessika adlı bacısı var.[7] O, sənətçi ailəsində tərbiyə alıb. Atası Kit Albarn (1939–2024) rəssam-dizayner, anası Heyzel isə teatr səhnə tərtibatçısı olub. Valideynləri hippi həyatının daşıyıcıları idi. Ana xətti ilə nəsil şəcərəsi Danimarkaya gedib çıxır.[8] Ata tərəfdən babası Edvard memar və sülh tərəfdarı kimi tanınıb. O, yaşamaqdan imtina edərək 2002-ci ildə aclıq aksiyası nəticəsində vəfat edib.[9][10] Atası Kit Albarn bir zamanlar "Soft Machine" rok-caz qrupunun konsert meneceri olub.[7][11]
Deymon azyaşlı olduğu dövrdə valideyinləri ilə birgə Şərqi London ərazisində yerləşən Leytonstona köçmüşdür. Həmin ərazidə yamaykalı və pakistanlı uşaqlarla təmasda böyümüşdür. Doqquz yaşında ikən ailənin bir dostunun müşayiəti ilə Türkiyəyə səfər etmişdir.[12] Təqribən bir ay müddətində İstanbul və İzmir şəhərlərində yaşamışdır. Oradan qayıtdıqdan sonra valideyinləri ilə birlikdə Esseks qraflığının Aldham kəndinə köçmüşlər. Valideynləri orada şirniyyatxana işlədirdi. Uşaq ikən valideynlərinin diqqətini çəkmək üçün parabüzən yeyərmiş.
Onun valideynləri evdə blüz, Hindistan raqası və Afrika musiqisinə qulaq asardılar. Deymonun atası 1981–1997-ci illər ərzində Kolçester İnstitutunda incəsənət, dizayn və media sahəsi üzrə tədris fəaliyyəti ilə məşğul olmuşdur.[11][13]
O, erkən yaşlarından musiqiyə böyük maraq göstərmişdir. 6 yaşında Amerika musiqi qrupu "The Osmonds"un konsert proqramını izləmişdir.[14] 12 yaşında artıq gitara, fortepiano və skripka alətlərində ifa etmək qabiliyyətinə yiyələnmişdi. Məktəb orkestrinin tərkibində fəaliyyət göstərirdi. Bəstəkarlıq sahəsində də özünü sınamışdır. Öz bəstələdiyi musiqi əsəri ilə "Gənc bəstəkarlar müsabiqəsi"nin qalibi adını qazanmışdır.
O, "Stanway Comprehensive" məktəbində dram və fortepiano təlimi alırdı. Məhz həmin təhsil ocağında 13 yaşında ikən Qrehem Koksonla dostluq münasibətləri qurur. Bir müddət sonra paytaxt şəhərinə - Londona qayıdaraq, təhsilini "15 Drama School" teatr məktəbində davam etdirmişdir. Teatr tamaşalarında da fəal iştirak edirdi. Lakin buradakı təhsil müddəti uzun sürmür. "Blur" qrupunda fəaliyyətə başlamazdan əvvəl maddi təminat məqsədilə müxtəlif sahələrdə çalışmışdır. Belə ki, Londonda yerləşən "Portobello" hotelində barmen, çörək-bulka (kruassan) məmulatları dükanında satıcı və hətta "Beat Factory" studiyasında çay paylayanı vəzifələrində işləmişdir. Axşam saatlarında isə həmin studiyada öz musiqilərinin yazılması ilə məşğul olurdu.
Deymon "Elastica" qrupunun solisti Castin Frişman ilə 1991–1998-ci illər ərzində romantik münasibətdə olmuşdur.[15] Onlar "90-cı illərin cool cütlüyü" hesab olunurdular. Deymon həmin münasibətə son qoyduqdan sonra digər sənətkar Suzi Winstanley ilə əlaqə qurmuşdur. Deymon 1999-cu il oktyabrın 2-də atallıq statusu qazanmışdır - onun qız övladı dünyaya gəlmişdir. Övladına Missi adını vermişdir. Uşağın adı amerikalı rep ifaçısı Missi Elliotun şərəfinə qoyulmuşdur.[16] Deymon 2023-cü ildə fotoqraf-rəssam Suzi Winstanley ilə 25 illik münasibətinə son qoymuşdur. Onlar nikah bağlamamışdılar. Suzinin 1990-cı illərin sonlarından bəri öz işləri üçün Afrikaya etdiyi səyahətlər Deymon Albarnın Afrika musiqisinə olan heyranlığını daha da artırmışdır. O, "Çelsi FK" azarkeşidir.
Deymonun sağ əlində heptaqram və sol əlində isə pentaqram döyməsi mövcuddur.
Deymon "Gorillaz" qrupunun 2011-ci ildə işıq üzü görən "The Fall" albomunu öz şəxsi iPad qurğusunda, "GarageBand" proqram təminatından istifadə edərək, 32 günlük müddət ərzində tamamlamışdır. Qeyd olunan albomun yaradılması prosesi "Plastic Beach" konsert turunun Şimali Amerika mərhələsi zamanı həyata keçirilmişdir. Hazırda o, mobil telefon və sosial media platformalarından istifadə etmir. Baxmayaraq ki, rəsmi Tvitter hesabı mövcuddur, lakin bu hesabın idarə edilməsi bilavasitə qızı Missi və ya işçi heyəti tərəfindən həyata keçirilir. Deymon öz qızı və digər şəxslərlə ünsiyyətini yalnız məktub vasitəsilə qurur.[17] 1997-ci ildə taekvondo ilə məşğul olduğunu bəyan etmişdir. Qızı Missi və bacısı övladı ilə birgə Şimali Koreyaya səfər etmişdir. "Blur" qrupunun "Pyongyang" kompozisiyası məhz onun həmin ölkədə müşahidə etdiyi təəssüratları əks etdirir. Bundan əlavə, Şimali Koreyada lentə alınmış video materialları "Gorillaz" qrupunun "Sleeping Powder" musiqili videosunda tətbiq olunmuşdur. 2020-ci ildə İslandiya vətəndaşlığını əldə etmişdir.[18] Xüsusilə qeyd etmək lazımdır ki, o, 1990-cı illərdən etibarən, təxminən 30 il ərzində mütəmadi olaraq Reykyavikdə məskunlaşmışdır. İkinci solo albomunun ərsəyə gəlməsi də məhz bu ölkədə baş tutmuşdur. O, bu barədə bəyanat vermişdir:
|
İslandiya ilə xüsusi tanışlığım olub. Uşaq olanda onunla bağlı təkrarlanan yuxular görürdüm. Yuxuma tez-tez qara qumlar girirdi, hansı ki, onların üzərində, havada süzülürdüm. Bu yuxular uzun müddət davam etdi. Sonra böyüdüm və bir müddət bu yuxunu unutdum. Xeyli vaxt keçəndən sonra, səfərdə olarkən otel otağında uzanıb təsadüfən İslandiya haqqında "National Geographic" verilişinə rast gəldim. O an kəşf etdim ki, İslandiyanın hər yerində qara qumlu çimərliklər var.[19] | 
|
Deymon Fələstin məsələsində açıq mövqe nümayiş etdirir. 2010-cu ildə Qəzza bölgəsinə edilən hərbi müdaxilə səbəbindən İsraildə nəzərdə tutulan konsert proqramını ləğv etmişdir. Həmin il "Gorillaz" qrupu ilə birlikdə Suriya və Fələstində bir sıra konsert proqramları təqdim etmişdir.[20]
Deymon Albarn 2023-cü ildə keçirilən Blur qrupunun konsert tədbirləri zamanı LGBT və trans icmasının rəmzi olan bayraqları nümayiş etdirmişdir. Bundan əlavə, Gorillaz qrupunun "Tranz" kompozisiyası üçün hazırlanmış vizual tərtibatda trans bayrağının rəng çalarları istifadə olunmuşdur.
2010–2011-ci illərdə ildə Deymon və Ceymi arasındakı münasibətlərdə gərginlik yaranmışdır. Ceymi öz istedadının lazımi səviyyədə qiymətləndirilmədiyini hesab etmişdir. 2015-ci ildə tərəflər arasında dostluq münasibətləri bərpa edilmiş və onlar yeni albom üzərində birgə fəaliyyətə başlamışlar. 2017-ci ildə "Humanz" adlı albomla yaradıcılıq fəaliyyətlərini davam etdirmişlər.
Deymon Albarn 2000-ci illərdən etibarən Maliyə mütəmadi səfərlər həyata keçirir. Onun bildirdiyinə görə, Afrika qitəsi onun dünyagörüşündə əhəmiyyətli dəyişikliklərə səbəb olmuşdur. O, "Africa Express" təşkilatının təsisçilərindən biri hesab edilir. Gorillaz qrupunun konsert proqramlarında "Humanz xoru" (The Humanz Choir) onu müşayiət edir.
Deymon Albarnın bacısı Cessika incəsənət sahəsində fəaliyyət göstərir. Onun övladları Rudi Albarn və Etta Albarn Teulon "Gorillaz" qrupunun 2020-ci ildə işıq üzü görmüş "Song Machine, Season One: Strange Timez" albomundakı bir sıra kompozisiyaların hazırlanmasında iştirak etmişlər.
Deymon Albarn "Life's a Beach" adlı veriliş çərçivəsində aparıcı Alan Carr-a müsahibəsində müxtəlif ölkələrdə qeyri-ixtiyari şəkildə qəbul etdiyi qida məhsulları barədə məlumat vermişdir. Onun açıqlamasına əsasən, Cənubi Koreya səfəri zamanı it əti, Nigeriyada meymun əti, Çin Xalq Respublikasında qurbağa və İslandiyada köpəkbalığı əti qəbul etmişdir.[21] O, ictimaiyyət arasında vegetarian qida rasionuna üstünlük verən şəxs kimi tanınır.[22]
Britaniyalı müğənni Adel özünün "25" adlı musiqi albomunun (2015) hazırlanması prosesində Deymon Albarnla əməkdaşlıq etmək niyyətində olmuşdur. Adel xüsusilə Deymonun "Blur" qrupundakı bəstəkarlıq fəaliyyətinə rəğbət bəsləyirdi. Hətta qeyd etmək lazımdır ki, o, "Blur" qrupunun musiqiləri ilə böyümüş və qrupun pərəstişkarı olmuşdur.[23] Buna baxmayaraq, birgə iş prosesində hazırlanan demo-yazılar Adelin gözləntilərini doğrultmamışdır. Deymonun fikrincə, onların əməkdaşlığı "tamamilə yersiz" olmuşdur. O, həmçinin Adeli "özünəinamı olmayan" ifadəçi kimi xarakterizə etmiş və gələcəkdə onunla birgə işləməkdən imtina etdiyini bəyan etmişdir. Öz növbəsində, Adel də bu əməkdaşlıq təşəbbüsündən peşmançılıq hissi keçirdiyini bildirmişdir. Nəticə etibarilə, onların birgə hazırladıqları musiqilər "25" albomunun konsepsiyasına uyğun gəlməmişdir.
Deymon 2023-cü ilin dekabr ayında Hindistana səfər edəcəyini və yeni "Gorillaz" albomu üzərində yaradıcılıq işləri aparacağını bəyan etmişdir.[24] O, 2024-cü ilin mayında Dehlidəki musiqi alətləri mağazasında görüntülənib.
Deymon Goldsmiths College-də musiqi kursuna yazılmış və bas-gitaraçı Aleks Ceymslə məhz orada tanış olmuşdur.[25] Qrehem Kokson zərb ifaçısı olan Deyv Rauntrini Deymona təqdim edib.[26][27] İlk başda onların qrupu "Circus" adlanırdı. Bu adı Deymon seçmişdi. Ancaq 1988-ci ildə qrupun adını yenidən dəyişdirdilər — "Seymour" olaraq. 1990-cı ildə qrup Food Recorda-la müqavilə bağlayacaqdı, amma ki, razılığa gələ bilmirdilər. Səbəbi qrupun adı idi. Sonda onlar razılığa gələrək adlarını Blur etməli olurlar.[28]
Blur-un ilk sinqlı 1990-cı ilin oktyabrında yayımlanan "She's So High" olmuşdur. Hansı ki, UK Singles Chart-da 48-ci yerə yüksəlib.
Solo albomlar
Kollaborasiya albomları
At Colchester School of Art we are proud to have a history dating from 1885, the year the original Art School was founded.
 |
 |
KISS.AZ |  |
 |
|