 |
 |
Kiss.az |  |
 |
Əzizağa (Əziz) Məşədi oğlu Əzizbəyov (14 (27) aprel 1903, Bakı – 24 iyun 1966, Bakı) — Azərbaycan-sovet dövlət xadimi, Azərbaycan SSR Xalq Komissarları Soveti və Azərbaycan SSR Nazirlər Soveti sədrinin müavini (1941–1948), intendant xidməti general-mayoru (1944). Məşədi Əzizbəyovun oğlu, Püstəxanım Əzizbəyovanın atası.
| Əzizağa Əzizbəyov | |
|---|---|
 | |
| 28 mart 1946 – 24 may 1948 | |
| Sədr | Teymur Quliyev |
| 1941 – 28 mart 1946 | |
| Sədr | Teymur Quliyev |
.svg){kind=small} .svg){kind=small} | |
| 29 iyun 1938 – 1941 | |
| Əvvəlki | İbrahim Əsədullayev (xalq daxili ticarət komissarı kimi) |
| Sonrakı | Hətəm Əhmədov |
| Şəxsi məlumatlar | |
| Doğum tarixi | 14 (27) aprel 1903 |
| Doğum yeri | |
| Vəfat tarixi | 24 iyun 1966 (63 yaşında) |
| Vəfat yeri | |
| Dəfn yeri | |
| Partiya |
|
| Təhsili |
|
| Fəaliyyəti | siyasətçi |
| Atası | Məşədi Əzizbəyov |
| Uşağı | |
| Hərbi xidmət | |
| Mənsubiyyəti | Sovet Sosialist Respublikaları İttifaqı |
| Döyüşlər | |
| Rütbəsi |
 İntendant xidmət general-mayoru |
| Təltifləri |
       |
Əzizağa Əzizbəyov 14 (27) aprel 1903-cü ildə Bakı şəhərində inqilabçı Məşədi Əzizbəyovun ailəsində anadan olmuşdur. 1919-cu ildən gəmiçilik idarəsində, 1920-ci ildən şəhər nəqliyyat ekspedisiya kontorunda, 1921–1922-ci illərdə isə Quba qəzasının Rustov kəndində komsomol təşkilatçısı vəzifəsində işləmişdir. Oradan Moskvaya, Şərq Zəhmətkeşlərinin Kommunist Universitetinə ali təhsil almağa göndərilmişdir. Xəstəliyinə görə təhsilini başa vurmamış, Bakıya qayıdaraq 1927-ci ilədək Dövlət Pambıqçılıq İdarəsində katib, Bakı Sovetində şöbə müdiri vəzifələrində çalışmışdır. 1927-ci ildə isə Azərbaycan Balıq Trestinə işə göndərilmişdir.[1] O, 1928-ci ildə balıq vətəgələrində ilk dəfə kommunist partiyası özəklərini təşkil etmiş, Azərbaycan K(b)P Quba Qəza Komitəsinin plenum üzvü, Xaçmazda isə partiya komitəsinin plenum və büro üzvü seçilmişdir.[2]
Əzizağa Əzizbəyov 1930-cu ildə Azərbaycan K(b)P Mərkəzi Komitəsində təlimatçı vəzifəsinə irəli çəkilmiş, bir neçə ay sonra isə Bakı balıq zavoduna direktor təyin olunmuşdur. 1933–1938-ci illərdə Azərbaycan Balıq Trestinin müdiri vəzifəsində işləmişdir. 1938-ci ilin iyun ayında Azərbaycan SSR xalq ticarət komissarı təyin edilmiş, 1941-ci ildən Azərbaycan SSR Xalq Komissarları Soveti sədrinin müavini (1946-cı ildən Azərbaycan SSR Nazirlər Soveti sədrinin müavini) vəzifəsində çalışmışdır.[1]
İkinci Dünya müharibəsi zamanı, 1943-cü ildə, ona intendant xidməti polkovniki, 16 may 1944-cü ildə isə general-mayor hərbi rütbəsi verilmişdr. Bu dövrdə o, Xalq Komissarları sədrinin müavini vəzifəsi ilə yanaşı, 1942–1943-cü illərdə Zaqafqaziya arxa cəbhə xidməti rəisinin müavini, SSR Xalq Müdafiə Komissarlığının Zaqafqaziya bazasının rəisi vəzifələrində çalışmışdır.[1]
Əzizağa Əzizbəyov 1948-ci ildə baş vermiş "Azərbaycan işi" ("Азербайджанское дело") kimi tanınan siyasi-maliyyə qalmaqalında əsas fiqurlardan biri olmuşdur. Balə ki, SSRİ Dövlət Nəzarəti Nazirliyinin apardığı yoxlama nəticəsində məlum olmuşdur ki, o, Nazirlər Soveti sədrinin müavini vəzifəsindən istifadə edərək Şüvəlanda dövlət vəsaiti hesabına şəxsi bağ evi tikdirmiş və təsərrüfat məhsullarını bazar qiymətinə sataraq şəxsi qazanc əldə etmişdir. SSRİ dövlət nəzarəti naziri Lev Mexlisin təqdimatına əsasən Əzizağa Əzizbəyov 1948-ci ilin may ayında vəzifəsindən azad edilmiş, partiyasından qovulması qərara alınsa da, sonradan bu, şiddətli töhmətlə əvəz edilmişdir.[3]
Əzizağa Əzizbəyov 1950-ci illərdə Soçi balıq kombinatının direktoru təyin olunmuş, sonralar isə Bakıya qayıtmışdır.[1] 1963-cü ildən ittifaq əhəmiyyətli təqaüdçü olmuşdur. Azərbaycan Kommunist Partiyası Mərkəzi Komitəsinin üzvü seçilmiş, 2-ci çağırış SSRİ Ali Sovetinin və 1–3-cü çağırış Azərbaycan SSR Ali Sovetinin deputatı seçilmişdir.
Ə. Əzizbəyovun dinc quruculuq və müharibə illərindəki xidmətləri "Lenin", "Qırmızı bayraq", "Qırmızı əmək bayrağı" (2 dəfə), "Qırmızı ulduz" ordenləri və medallarla təltif olunmuşdur.[4]
Əzizağa Məşədi oğlu Əzizbəyov 24 iyun 1966-cı ildə Bakı şəhərində vəfat etmiş, Fəxri Xiyabanda dəfn olunmuşdur.[5]
 |
 |
KISS.AZ |  |
 |
|