 |
 |
Kiss.az |  |
 |
"Energetik" futbol klubu — və ya digər adı ilə Energetik Əli Bayramlı Futbol Klubu ( İndiki Şirvan FK) 1980-ci ildə Əli Bayramlıda (indiki Şirvan) yaranmış Azərbaycan futbol klubudur. 1980-ci ildə çempionluq və kubok qazanmış klub, 1997-ci ildə maliyyə problemləri səbəbiylə fəaliyyətini Müvəqqəti olaraq dayandırmışdır. Klub 2023-cü ildə fəaliyyətini bərpa etmişdir.
| Energetik Əli-Bayramlı FK | |
|---|---|
 | |
| Ölkə | |
| Ləqəb(lər) | Energetiklər |
| Rəng(lər) | |
| Yaranma tarixi | 1980 |
| Bağlama tarixi | 1997 |
| Prezidenti | Ramil Tağıyev |
| Liqa | AFFA Region Liqası |
| 2024-2025 | 2 |
Azərbaycanda indiyə qədər bir çox klub fəaliyyətini dayandırıb. Onlardan biri 1980-ci ildə Azərbaycan çempionu olmuş keçmiş Əli-Bayramlı, indiki Şirvan şəhərinin "Energetik" klubudur.
Azərbaycan çempionatında iştirak edəndə, Azərbaycan Elektrik Stansiyası klubdakı bütün futbolçuları işə götürmüşdü. Onlar üçün güzəştə gedərək işdən azad edib, məşqlərə, oyunlara yollanmalarına icazə verirdilər. Maliyyə problemlərinin də olmaması səbəbi ilə çıxdığı ilk mövsümdəcə çempionluğu aldı "Energetik". 1980-cı ildə Azərbaycan çempionluğunu, daha sonra kuboku qazandı. Bununlada o ərazidə futbola maraq daha da artmağa başladı.
1992-ci ildə ilk Azərbaycan çempionatında Energetik klubu da iştirak etdi. İlk milli çempionatın başlamasından sonra klub Azərbaycanın əsas liqasında yüksək nəticə göstərdi. Lakin debüt uğursuz oldu və 26 komanda arasında 22-ci yeri tutan klub birinci liqaya düşdü. Həmin günə qədər Azərbaycan Dövlət Elektrik Stansiyası klubu maliyyələşdirirdi. Klub isə öz növbəsində liqada orta səviyyədə çıxış edirdi. Legionersiz bir heyəti var idi, Əli-Bayramlı sakinlərindən ibarət heyətə sahib idi. 1996-cı ilə qədər klub Azərbaycan Birinci Dəstəsində iştirak etdi. Lakin bir müddət sonra sponsorun kluba verdiyi maliyyə dəstəyini çəkməsi səbəbiylə, bir il maliyyə problemləri ilə üzləşən klub, 1997-ci ildə rəhbərlik tərəfindən fəaliyyətin dayandırılması qərarı aldı. Cəlal Hüseynov, Tərlan Əhmədov kimi peşəkar futbolçular "Energetik"in yetirməsi olmuşdur. Klub 2023-cü ildə "Şirvan FK" adı ilə yenidən fəaliyyətə başlamışdır.
2024/25 mövsümündə Şirvan FK AFFA Region Liqasının Mərkəz zonasında, E qrupunda mübarizə aparmışdır. Komanda mövsümə uğurlu start verərək ilk turda Mil FK üzərində 4:0 hesablı qələbə qazanmışdır.[1]
Mövsüm ərzində göstərdiyi sabit çıxış nəticəsində Şirvan FK E qrupunda yüksək nəticələr əldə etmiş və final mərhələsinə vəsiqə qazanmışdır. Final mərhələsində Şirvan FK, Xankəndi FK ilə qarşılaşmış və bu oyunda 3:0 hesabı ilə məğlub olmuşdur.[2]
Bu çıxışın ardından Şirvan FK, Azərbaycan II Liqasına vəsiqə uğrunda pley-off matçında iştirak etmişdir. 29 may 2025-ci il tarixində Bakıda yerləşən ASCO Arenada keçirilən oyunda Şirvan FK, Lerik PFK ilə qarşılaşmışdır. Əsas vaxt 2:2 hesabı ilə başa çatmış, əlavə vaxtda isə Şirvan FK əlavə bir qol vuraraq oyunu 3:2 hesabı ilə qazanmışdır.
Bu nəticə ilə Şirvan FK, 2025/26 mövsümündən etibarən Azərbaycan II Liqasında iştirak etmək hüququ qazanmışdır. Məğlub olan Lerik PFK isə növbəti mövsümdə AFFA Region Liqasında mübarizə aparacaqdır. [3]
Futbol klubu haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin. |
 |
 |
KISS.AZ |  |
 |
|
