 |
 |
Kiss.az |  |
 |
Ramid Nəriman oğlu Hacıyev (11 fevral 1987, Cəbrayıl rayonu – 17 oktyabr 2020, Tərtər rayonu) — Azərbaycan Müdafiə Nazirliyinin Quru Qoşunlarının mayoru; 2020-ci ildə Qarabağ müharibəsi zamanı Madagizin azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Ramid Hacıyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Cəbrayıl rayonu, Azərbaycan SSR |
| Vəfat tarixi | (33 yaşında) |
| Vəfat yeri | Tərtər rayonu, Azərbaycan |
| Dəfn yeri | 2 saylı Şəhidlər Xiyabanı |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2009—2020 |
| Rütbəsi |
 Mayor |
| Döyüşlər | |
| Təltifləri |
      |
Ramid Nəriman oğlu Hacıyev 1987-ci il, fevralın 11-də Cəbrayıl rayonunun Mirək kəndində anadan olub.[2][1]
1994–2002-ci illərdə Xətai rayonu 48 saylı tam orta məktəbdə təhsil alıb. 2012-ci ildə sənədlərini Cəmşid Naxçıvanski adına Hərbi Liseyə verib və 2005-ci ildə oradan məzun olub. 2005-2009-cu illərdə Heydər Əliyev adına Azərbaycan Ali Hərbi Məktəbində təhsil alıb. 2010-cu ildə Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 22 iyun 2009-cu il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 11 il ərzində qərargah bölüyünün tank əleyhinə taqımının komandiri, motoatıcı taqım komandiri, motoatıcı bölüyün komandiri, mexanikləşdirilmiş taborun (BMP-2) mexanikləşdirilmiş bölüyünün komandiri, mexanikləşdirilmiş taborun (BMP-2) komandirinin maddi-texniki təminat üzrə müavini, motoatıcı taborun qərargah rəisi - tabor komandirin müavini və Motoatıcı taborun komandiri vəzifələrində xidmət edib.[1]
Müxtəlif illərdə müdafiə nazirinin əmrləri ilə 3-cü dərəcəli "Qüsursuz xidmətə görə", Azərbaycan Silahlı Qüvvələrinin 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Madagizin azad edilməsi uğrunda gedən döyüş əməliyyatlarına komandiri olduğu motoatıcı taborun şəxsi heyəti ilə qatılıb. Oкtyabrın 17-də Tərtər istiqamətində döyüş tapşırığının icrası zamanı şəhid olub.[1] 2 saylı Şəhidlər Xiyabanı dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Suqovuşanın azad olunmasına görə" və "Vətən uğrunda" medalları ilə təltif edilib.[4][5]
Evli idi, 1 oğlu və 2 qızı var.
 |
 |
KISS.AZ |  |
 |
|