Atv Plus - Wikipedia - Kiss.az

ATV Plus — 16 avqust 2013-cü il tarixində fəaliyyətə başlamış efir–kabel televiziyası. Azad Azərbaycan Teleradio Yayım şirkətinin tabeliyindədir. Yayım, Rabitə və İnformasiya Texnologiyaları Nazirliyinin Teleradio İstehsalat Birliyinin "Teleqüllə" Müəssisəsindən aparılır. Bakı, Sumqayıt və Abşeron yarımadasının ərazisində yaşayan sakinlər bu xidmətə qoşula bilərlər. 2014-cü ilin sonuna kimi kanalların sayının 120-yə çatdırılacağı gözlənilirdi.

• 2013-cü ilin dekabr ayında Rusiyanın "NTV+ Premyera" və "Disney Channel" kanallarının yayımı dayandırılmış, əvəzində Türkiyənin "Kanal D" və Rusiyanın "Pervıy Kanal" kanallarının yayımına başlanmışdır.
• 2013-cü ilin dekabr ayında Rusiyanın "Kto Yest Kto" kanalının yayımı dayandırılmış, həmin kanalın tezliyində Azərbaycanın "Region TV" kanalının yayımına başlanmışdır.
• 2014-cü ilin fevral ayında Türkiyənin "MCJ Shopping" kanalının yayımı dayandırılmış, həmin kanalın tezliyində Türkiyənin "Samanyolu Haber" kanalının yayımına başlanmışdır.
• 21 aprel 2014-cü il tarixində "Viasat History", "TV 1000", "Rossiya 24" kanallarının yayımı dayandırılmışdır.
• 21 aprel 2014-cü il tarixində "İnterAz", "Mir" və "Mir 24" kanallarının yayımına başlanmışdır.
• 26 aprel 2014-cü il tarixində "Naş Futbol" kanalının yayımı dayandırılmış, həmin kanalın tezliyində yenidən "Rossiya 24" kanalının yayımına başlanmışdır.
• 4 may 2014-cü il tarixində "Region TV" sosial paketə əlavə olunmuşdur. Bununla da kanalların sosial paketdəki sayı 11-ə, ümumi sayı isə 95 çatmışdır. "Region TV"nin kommersiya paketindəki yayımı 9 may 2014-cü il tarixinə kimi davam etmişdir.
• 9 may 2014-cü il axşam saatlarında "Region TV"nin kommersiya paketindəki tezliyində "CBC" kanalının yayımına başlanmışdır. Bununla da Azərbaycan kanallarının sayı 12-ə çatmışdır.
• Rusiyanın "Моя Планета" kanalının yayımı 15 may 2014-cü il tarixində sona çatmış, əvəzində Rusiyanın "Психолoгия 21" kanalı yayımlanmağa başlamışdır.
• 16 may 2014-cü il tarixində kanal siyahısı yenidən dəyişmişdir. "Психолoгия 21" kanalının yayımı dayandırılmış, əvəzində yenidən "Наш Футбол" kanalının yayımı başlanmışdır.
• 15 dekabr 2014-cü il tarixində kanalların sayı 156-ya çatdırılmışdır. 2015-ci ilin yanvar ayında isə kanallar 2 paketə ayrıldı. Bunlar 9 manatlıq paket (107 kanal) və 15 manatlıq (156 kanal) paketlərdir. Kanalların sayı artırıldıqdan sonra əvvəl yayımlanan bəzi kanallar (NTV+ Premyera, Disney Channel, Viasat History, TV 1000, Moya Planeta) yenidən yayımlanmağa başlandı.
• 5 iyun 2015-ci ildə Azərbaycan hökumətinin göstərişinə əsasən "Kanal D", "CNN Türk" və "Samanyolu Haber" telekanallarının yayımı dayandırılmışdır.^[1]

ATV Plus
Ümumi məlumatlar
Tipi	Efir-kabel televiziyası
Məhsulu	Rəqəmsal efir-kabel televiziyası yayımı
Təsis tarixi	16 avqust 2013
www.atvplus.az