Fuad Poladov - Wikipedia - Kiss.az

Fuad Poladov 1948-ci il may ayının 24-də Bakıda doğulub. 132 saylı orta məktəbi bitirib. O, Cəfər Cabbarlı adına "Azərbaycanfilm" kinostudiyasında Ədil İsgəndərovun aktyorluq studiyasını bitirib. 1967–1972-ci illərdə Mirzağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsində təhsil alıb.^[2]

Sənətə 1966-cı ildə "İstintaq davam edir" filmində çəkildiyi Səlim rolu ilə gəlib.^[3] Sənət müəllimi Tofiq Kazımovun dəvəti ilə tələbə ikən İlyas Əfəndiyevin Akademik Milli Dram Teatrında hazırlanan "Məhv olmuş gündəliklər" pyesinin tamaşasında Savalan rolunu oynayıb. Premyerası 1969-cu il noyabrın 29-da göstərilən tamaşadan sonra teatrın aktyor truppasına daxil olub. Həmin vaxtdan 1989-cu ilə qədər Akademik Milli Dram Teatrının truppasında çalışıb. 1989-cu ildən Səməd Vurğun adına Azərbaycan Dövlət Rus Dram Teatrının aktyoru olub.^[2]

Sonralar Fuad Poladovun səs tellərində problem yaranıb və danışmaqda çətinlik çəkib. O, bir müddət Milli Onkologiya Mərkəzində müalicə alıb. Uzun müddət xərçəng xəstəliyindən əziyyət çəkmiş və 4 may 2018-ci ildə vəfat etmişdir.^[4][5] Məzarı "Qurd qapısı" qəbiristanlığındadır.^[6]

• "Azərbaycan SSR əməkdar artisti" fəxri adı — 1 dekabr 1982
• "Azərbaycan SSR xalq artisti" fəxri adı — 20 mart 1987
• "Teatr Xadimi" qızıl medalı — 2004
• "Qızıl Dərviş" mükafatı — 2007
• "Aktrisa" filminə görə "Ən yaxşı kişi rolunun ifası" nominasiyasında "Qızıl Pəri" mükafatı — 2015^[7]
• Cəfər Cabbarlı mükafatı — 23 may 2016^[8]

Akademik Milli Dram Teatrının səhnəsində ifa etdiyi rollar

• Ferdinand — "Məkr və məhəbbət"(Fridrix Şiller)
• Fərhad — "Məhəbbət əfsanəsi", (Nazim Hikmət)
• Nizami — "Qılınc və qələm" (Məmməd Səid Ordubadi)
• Baron — "Həyatın dibində", (Maksim Qorki)
• Rauf — "Kərgədan buynuzu"(Maqsud İbrahimbəyov)
• Mirzə Səfi – "Mirzə Şəfi" (Nəbi Xəzri)
• Rəhman, Valeh, Salavan, Qədim, Mübarək, Həsənzadə, Səltənə — ("Mahnı dağlarda qaldı","Məhv olunmuş gündəliklər","Qəribə oğlan", "Büllur sarayda","Boy çiçəyi", və "Şeyx Xiyabani", (İlyas Əfəndiyev)
• Hamlet,Benedikt-("Heç nədən səs-küy","Hamlet" (Uilyam Şekspir)
• Şahbaz bəy — "Müsyö Jordan və dərviş Məstəli şah", (Mirzə Fətəli Axundzadə),
• Zaur — "Təhminə və Zaur" (Anar Rzayev
• Şöklü Məlik — "Torpağa sancılan qılınc", (Nəbi Xəzri)
• Çığatay — "Yağışdan sonra "(Bəxtiyar Vahabzadə)
• Avtandil — "Darıxma ana", (Nodar Dumbadze)
• Şah Qacar — "Şah Qacar", (Əli Əmirli)
• Müsyo İbrahim -"Müsyo İbrahim və Quran çiçəyi", (Erik-Emmanuel Şmitt)

Səməd Vurğun adına Rus Dram Teatrında oynadığı rollar

• Erve Monten — "Tamaşaçılara baxmaq qadağandır" (J.Marsan)
• Daniel — "Tənha kişi üçün tələ" (R. Tom)
• Pavel Trunnikov — "Şəhərdə dəhşətli dərəcədə narahatlıq var" (İ. Pikovski)
• Lopaxin — "Albalı bağı" (A.P. Çexov)
• Yuliy Sezar — "Kölgələrin oyunu" (Y. Edlis)
• Stefan — "Qara dəlik" (Q. Stefanovski)
• İblis — "İblis" (H.Cavid)
• Sankiti Oba — "Aramızdakı kabuslar" (K.Abe)
• Eddi Karbone — "Eddi Karbone" (Körpüdən görünən mənzərə) (A. Miller)
• Stefan — " Fransızsayağı ailə" (Ailənin həftəsonu) (J.Puare)
• Svetlovidov — "Ququşu mahnısı" (A.P. Çexov)
• Lord Avqust — "Avqust üzərinə düşən vəzifəni yerinə yetirir" (B.Şou)
• Floran — "Müqəddəs bədheybətlər" (J.Kokto)
• Eduard Polumb — "Dulların təsəlliçisi" (C.Marotta, B.Randon)
• Həkim Korniş — "Əlçatmaz qadın" (S.Moema)
• Napaleon 1 — "Napaleon 1" (F.Brukner)
• Kardinal Vulsi — "Şah oyunları". (Q.Qorin)
• Həkim Dorn — "Qağayı" (A.P.Çexov)
• Herman Lyuis — "Qarışıq hisslər" (R.Baer)
• Didr — "Pozğun" (E.E.Şmitt)(A.Brailovskinin tərcüməsi)…

1. Ad günü (film, 1977) (tammetrajlı bədii film) — rol: Nazim
2. Ağasadıq Gəraybəyli (film, 1974)
3. Axırıncı dayanacaq (film, 2014) - rol: Davud
4. Ailə (film) (tammetrajlı bədii film) — rol: mafiya başçısı
5. Aktrisa (film, 2011) (tammetrajlı bədii film) — rol: Vaqif Fətəliyev
6. Alov (film, 1979) (tammetrajlı televiziya tamaşası) - rol: Əmin Bəxtiyarov
7. Arxada qalmış gələcək (film, 2004) - rol: Malik
8. Atayevlər ailəsi (film, 1978) - rol: Şahsuvarov
9. Beşmərtəbəli evin altıncı mərtəbəsi (film, 1996) - rol: Məcid
10. Cəza (film, 1996)
11. Dede Korkut hikayeleri (film)
12. Dərvişin qeydləri (film, 2013) - rol: İsgəndər xan
13. Dolu (film, 2012) - rol: Katib
14. Etimad telefonu (film, 2001) - rol: Fuad
15. Əlavə təsir (film, 2010) - film səsləndirən: Nazim Şeydayev (Əbdül Mahmudov )
16. Əlvida, cənub şəhəri (film, 2006) - rol: Fariz
17. Ən vacib müsahibə (film, 1971) - rol: Bacıoğlu
18. Ənvər Həsənov. Yeddi oğuldan biri (film, 2007)
19. Fatehlərin divanı - rol: Əmir Teymur
20. Güllələnmə təxirə salınır!... (film, 2002) - rol: Xan
21. Günaydın, mələyim! (film, 2008) - rol: Fuad
22. Hacı Qara (film, 2002) - rol: Pristav
23. Həqiqətin özü (film, 2008) - Mətni oxuyan
24. Həyat çiçəyi (teleserial, 2013)
25. Hökmdarın taleyi (film, 2008) - Tərcüməni səsləndirən
26. İmtahan (film, 1987) - rol: Şamxal
27. İşarəni dənizdən gözləyin (film, 1986) - rol: Komandan
28. İstintaq davam edir (film, 1966) - rol: Səlim
29. Köpək (film, 1994)
30. Küçələrə su səpmişəm (film, 2004) - rol: Xəlil
31. Qara "Volqa" (film, 1994) - rol: Səlimzadə
32. Qayınana (film, 1978) - rol: Ayaz
33. Qırmızı qatar (film, 1993) - rol: Laber
34. Qırmızı terror və ya Mircəfər Bağırov (film, 1999)
35. Mən evə qayıdıram (film, 2014) - rol: müstəntiq Səlimov
36. Ovsunçu (film, 2002) - rol: Aslan
37. Ömür və tale (film, 1998)
38. Rus tərcüməsi (teleserial) — rol: Əbdu Salih (Rusiya)
39. Salur Qazanın evi talandığı boy (film, 2001) - rol: Qıpçaq Məlik
40. Tərsinə çevrilən dünya (film, 2011) - rol: Qasım Cəfərov
41. Təsadüfi görüş (film, 1999) - rol: Murad
42. Üçüncü zəng (film, 2006)
43. Ümid (film, 1995) - rol: Cəbhə hərbi həkimi
44. Vahimə (film, 1998) - rol: musiqiçi
45. Nazlı (film, 2017) - rol: Aslan

• Rus Dram Teatrında "Blisslər ailəsi" eksentrik komediyasının premyerası olub  (az.)
• "Mən ölmürəm, gözəgörünməzliyə çəkilirəm"
• Fuad Poladov "Azdrama"dan belə ayrıldı
• "Məzar daşıma şəkilimi vurmayın!.." – Xanımı Fuad Poladovun son vəsiyyəti və son günlərindən danışdı