 |
 |
Kiss.az |  |
 |
Nazim Muradov (1947) — tədqiqatçı, müəllif və təmiz enerji texnologiyası sahəsində ixtiraçı. O, Mərkəzi Florida Universitetində professordur.[1]
| Nazim Muradov | |
|---|---|
| Doğum tarixi | 1947 |
Nazim Muradov termokatalitik və fotokatalitik hidrogen istehsalı sistemləri, günəş enerjisi ilə işləyən suyun parçalanması dövrləri, yanacaq elementlərinin tətbiqi üçün sıfır emissiyalı reformatorlar və hidrogen sensorları üzrə tədqiqatlar aparıb. O, Hidrogen Enerjisi üzrə Beynəlxalq Assosiasiyanın və Milli İxtiraçılar Akademiyasının üzvüdür.[2][3]
O, Azərbaycan Neft və Kimya İnstitutunda neft-kimya mühəndisliyi ixtisası üzrə bakalavr/magistr pillərinni bitirib, sonra 1975-ci ildə kinetika və kataliz üzrə fəlsəfə doktoru dərəcəsini alıb. 1990-cı ildə Sovet İttifaqının Semenov adına Moskva Kimya Fizika İnstitutunda fizika-kimya üzrə elmlər doktoru elmi dərəcəsi alıb.[1][4]
Muradov 1970-ci illərin sonunda qoşulduğu Hidrogen Hərəkatının ilk iştirakçılarından biri olmuşdur.[5] O, 1980-ci illərin sonlarında o, birbaşa metanın parçalanması (DMD) prosesi vasitəsilə CO₂-siz hidrogen istehsalı konsepsiyasını təklif edib.
Muradovun elmi-tədqiqat qrupu müxtəlif növ konusvari və üçölçülü karbon nanostrukturlarını və onların istehsal üsullarını tədqiq edib.[6] O, NASA-nın kosmik proqramı üçün Floridanın yerli biokütlə xammalından hidrogen istehsalı prosesinin inkişafı üzrə tədqiqat layihəsinə rəhbərlik etmişdir.[7]
Muradov hidrogen enerjisi və texnologiyası, nanostrukturlu karbon materialları, qabaqcıl bioyanacaq və ətraf mühitin bərpası sahələrində 44 ABŞ patenti və 6 xarici patentə sahibdir.[8]
 |
 |
KISS.AZ |  |
 |
|