 |
 |
Kiss.az |  |
 |
Qavriil Sergeeviç Sergeev (rus. Гавриил Сергеевич Сергеев; 1765 – 1816) — rus rəssam, hərbi topoqraf, akvarelist və mənzərə rəssamı.
| Qavriil Sergeev | |
|---|---|
| Doğum tarixi | 1765 |
| Vəfat tarixi | 1816 |
| Fəaliyyəti | rəssam |
 Vikianbarda əlaqəli mediafayllar | |
Peşəkar rəssamlıq təhsili almayıb. Rusiya, Finlandiya və Türkiyə ərazilərində relyefin eskizlərini çəkməyi tələb edən topoqrafik işləri görərkən rəsm çəkməyi öyrənib.
1796-cı ildə Bakının eskizlərini çəkib. 1798-ci ildə I Pavelin Qatçina iqamətgahının çoxsaylı vedutalarını hazırlayıb. 1808–1809-cu illərdə Svartholm qalasının və Loviysa bölgəsindəki körfəzin eskizlərini çəkib. 1811-ci ildə şəhərin dörddə üçünü külə çevirən 1827-ci il yanğınından əvvəl Turku şəhərinin eskizlərini çəkib. XVIII əsrin sonlarında Osmanlı İmperiyasının mənzərələrini əks etdirən bir qrup akvarel çəkib.
Rus mənzərə rəssamlığının sovet tədqiqatçısı A. Fedorov-Davıdov, Sergeevin yaradıcılığından danışaraq bildirib ki, onun əsərləri yaxşı qravüraçının əlinə keçəndə böyük fayda verir.[1]
1793-1794-cü illərdə Mixail Kutuzovun Konstantinopoldakı səfirliyinin üzvü idi.[2]
1796-1797-ci illərdə qraf Valerian Zubovun İrana hərbi ekspedisiyasının tərkibində olub.
Xəritə deposunda hərbi topoqraf vəzifəsində çalışmış, 1804-cü ildə mühəndis-mayor rütbəsi almışdır.[3]
1806-cı ildə o, ordunun podpolkovnikinə bərabər olan məhkəmə müşaviri rütbəsi almışdır.[4]
 |
 |
KISS.AZ |  |
 |
|