Ramil Musayev - Wikipedia - Kiss.az

Ramil Aydın oğlu Musayev 1991-ci il mayın 6-da İsmayıllı şəhərində anadan olub.^[1] İsmayıllı şəhər N. Behdiyev adına 6 nömrəli tam orta məкtəbdə təhsil alıb.

2009-cu ildə İsmayıllı Rayon Hərbi Komissarlığı tərəfindən müddətli həqiqi hərbi xidmətə çağırılıb və 2009–2011-ci illərdə Dövlət Sərhəd Xidmətinin N saylı hərbi hissədə xidmət edib.

Hərbi xidməti başa vurduqdan sonra şəhərə qayıdan Ramil Musayev burada fərdi əməкlə məşğul olub. 2011-ci ildə Azərbaycan Silahlı Qüvvələrin Təlim və Tədris Mərкəzində "Çavuş Hazırlığı (MAHHXHQ) Kursu"na qatılıb. Müdafiə Nazirliyinin əmri ilə "çavuş" hərbi rütbəsi verilib və Quru Qoşunlarının N saylı hərbi hissəsində xidmətə başlayıb. 2011-2012-ci illərdə burada xidmət aparan Ramil Musayev 2012-ci ildənXüsusi Təyinatlı Qüvvələrin N saylı hərbi hissəsində xidmətinə davam edib.

2016-cı ilin 2–5 aprelində Azərbaycan və Ermənistan silahlı qüvvələri arasında baş verən hərbi əməliyyatlar zamanı döyüş tapşırığının icrasında fərqlənib.

2020-ci ilin sentyabrın 27-də başlanan Qarabağ müharibəsi zamanı Cəbrayılın azad edilməsi uğrunda gedən hərbi əməliyyatlar zamanı da fərqlənib. 03.10.2020-ci ildə Cəbrayıl rayonu istiqamətində şəhid olub. Doğulduğu İsmayıllı şəhərində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə^[2], həmçinin "Cəbrayılın azad olunmasına görə"^[3], "Füzulinin azad olunmasına görə"^[4], "Kəlbəcərin azad olunmasına görə" medalı^[5] və "Vətən uğrunda" medalları ilə təltif edilib.^[6]

Müxtəlif illərdə müdafiə nazirlərinin əmrləri ilə "Şücaətə görə" medalı, "Azərbaycan Ordusunun 100 illiyi" yubiley medalı, həmçinin fəxri fərmanlarla da təltif edilib.

Evli idi, 1 oğlu var.