 |
 |
Kiss.az |  |
 |
Zoya Jekeli (mac. Székely Zója; 5 may 2003[1], Budapeşt[2]) — macarıstanlı idman gimnastı.[3]
| Zoya Jekeli | |||||||||||
|---|---|---|---|---|---|---|---|---|---|---|---|
| mac. Székely Zója | |||||||||||
| Şəxsi məlumatlar | |||||||||||
| Doğum tarixi | 5 may 2003[1] (22 yaş) | ||||||||||
| Doğum yeri | |||||||||||
| Boyu | 160 sm | ||||||||||
| Gimnastika karyerası | |||||||||||
| Təmsil etdiyi ölkə |
 Macarıstan |
||||||||||
| Gimnastika növü | idman gimnastikası | ||||||||||
| Klub | Postás SE | ||||||||||
|
Medallar
|
|||||||||||
O, 2020-ci ildə müxtəlif hündürlüklü qollar üzrə Avropa çempionatının gümüş medal və komanda yarışında isə bürünc medal mükafatçıdır. Zoya 2024-cü il Yay Olimpiya Oyunlarında Macarıstanı təmsil edib.
Zoya Jekeli 2018-ci ildə gənclər arasında keçirilən Avropa çempionatında Bianka Şerman, Çenge Batskay, Hanna Şuyo və Regina Medved ilə birlikdə yarışdı və onlar komanda yarışında 9-cu yeri tutdular.[4] Fərdi olaraq o, çoxnövçülükdə 49,999 xalla on səkkizinci yeri tutdu.[5] Zoya, həmçinin 13.666 xalla müxtəlif hündürlüklü qollar yarışının finalında altıncı yeri tutdu.[6]
Jekeli 2019-cu ildə keçirilən Doha Dünya Kubokunda böyük beynəlxalq debütünü etdi, burada dayaqlı tullanma və müxtəlif hündürlüklü qollarda yarışsa da, yarışın finalına vəsiqə qazana bilmədi.[7] Daha sonra o, seçmə mərhələdə çoxnövçülükdə əlli doqquzuncu yeri tutduğu 2019-cu ilin Avropa çempionatında yarışdı.[8] 2019-cu il Koper Dünya Kubokunda müxtəlif hündürlüklü qollarda yarışaraq, dördüncü yerin sahibi oldu.[9] Zoya, Macarıstanı 2019-cu il Avropa Oyunlarında təmsil etmək üçün seçildi və o, on yeddinci yeri tutduğu çoxnövçülükdə finala vəsiqə qazandı.[10]
Jekeli 2020-ci ildə keçirilən Macarıstan çempionatında çoxnövçülükdə qızıl medal qazandı.[11] Sonra o, Çenge Batskay, Dorina Boçöqö, Jofiya Kovaç və Mirtil Makovits ilə birlikdə 2020-ci ilin Avropa çempionatında yarışmaq üçün seçildi. Zoyanın tərkibində olduğu Macarıstan komandası, Ukrayna və Rumıniya komnadalarından sonra bürünc medal qazandı.[12] O, müxtəlif hündürlüklü qollar yarışının finalında Kovaçdan sonra gümüş medal qazandı.[13]
Jekeli 2021-ci ilin Avropa çempionatında da yarışdı. Zoya, öncə çoxnövçülük finalında ikinci ehtiyatda idi, lakin Larisa İyordake böyrək infeksiyasına görə yarışdan kənarlaşdıqdan sonra o, yarışa çıxarıldı.[14] Zoya bu yarışda 50,632 xalla on altıncı yeri tutdu.[15]
2022-ci ildə Münxendə keçirilən Avropa çempionatında Zoya Jekeli Macarıstan komandasının finalına vəsiqə qazanmağında böyük rol oynadı və Macarıstan komandası yeddinci oldu.[16][17]
2024-cü il Olimpiya Oyunları üçün Macarıstan bir qeyri-nominant Olimpiya vəsiqəsini qazandı.
Macarıstan Gimnastika Federasiyası Olimpiya vəsiqəsini kimə verəcəyini müəyyən etmək üçün, yeganə hadisə olan RomGym Trophy turnirində müxtəlif hündürlüklü qollarda daha yüksək nəticə əldə etdiyinə görə Jofiya Kovaçı seçdi və təmsil vəsiqəsini ona verdi.[18] Bununla belə, Olimpiadada podium hazırlığı zamanı Kovaç dizini zədələdiyindən, yarışa çıxa bilmədi. Jekeli kvalifikasiya yarışlarında iştirak etməzdən iki gün əvvəl onu əvəz etdi.[19] Kvalifikasiyalar zamanı Jekeli yalnız müxtəlif hündürlüklü qollarda yarışdı, 34-cü yeri tutdu. Lakin, finala vəsiqə qazana bilmədi.[20]
 |
 |
KISS.AZ |  |
 |
|