 |
 |
Kiss.az |  |
 |
Azərbaycan İkinci Liqası 2025/2026 — Azərbaycan Peşəkar Futbol Liqası tərəfindən təşkil olunan və Azərbaycanın ən yüksək 3-cü futbol liqası olan Azərbaycan İkinci Liqasının üçüncü mövsümü. Mövsüm 6 sentyabr 2025-ci il tarixində başlayacaq.[1]
| Azərbaycan İkinci Liqası | |
|---|---|
| Sezon | 2025/2026 |
| Tarix | 6 sentyabr 2025 — 2026 |
| Komanda sayı | 12 |
2025/2026 mövsümündə turnir 12 komandanın iştirakı ilə keçiriləcək. Ötən mövsümü 9-cu sırada tamamlamış "Qusar" komandası rəsmi müraciətə və dəfələrlə olan xatırlatmalara baxmayaraq 2025/26-cı il futbol mövsümündə iştirakını təsdiqləmədiyinə görə, eyni zamanda ötən mövsüm komandanın oyunlarında dəfələrlə təkrarlanmış neqativ hallar nəzərə alınaraq bu mövsüm ötən il Region Liqasında 3-cü yeri tutmuş "Ağstafa Gəncləri" komandası ilə əvəzlənəcək.[1]
2025/2026 mövsümündə İkinci Liqa 27 turdan ibarət olacaq. Komandalar ilkin olaraq 2 dövrədən ibarət 22 turda, daha sonra isə 5 turdan ibarət "altılıq" sistemində mübarizə aparacaqlar.[1]
2025/2026 mövsümündə turnirin formatına edilmiş dəyişikliklər nəticəsində İkinci Liqanın qalibi birbaşa Birinci Liqaya yüksələcək, 2-ci yerin sahibi isə Birinci Liqada 9-cu yeri tutmuş komanda ilə 1 oyundan ibarət pley-off mərhələsində üz-üzə gələcək. Region Liqasında isə 1-ci yerin sahibi birbaşa İkinci Liqaya vəsiqə qazanacaq, 2-ci və 3-cü yerlərin sahibləri isə müvafiq olaraq İkinci Liqada 11-ci və 10-cu yerləri tutmuş komandalarla 1 oyundan ibarət pley-off oyunu keçirəcəklər.[1]
 |
 |
KISS.AZ |  |
 |
|
