 |
 |
Kiss.az |  |
 |
Rezume (lat. curriculum vitæ (Abr: CV))[1] — bacarıqlar, təcrübələr, təhsil vəziyyəti, iş təcrübəsi və s. ilə əlaqədar olan mövzularda hazırlanmış şəxsin xülasəsi. Rezumenin məzmunu dəqiq, açıq və qısa olmalıdır.[2]
Rezume müxtəlif səbəblərə görə hazırlana bilər. Ancaq o, adətən iş müsahibəsi zamanı namizədlər tərəfindən yazılır və bəzən işəgötürənlərə tövsiyə məktubu ilə bərabər təqdim olunur. Rezume (CV) şəxsin təhsil vəziyyətini, peşə təcrübələrini, bacarıqlarını, qabiliyyətlərini və şəxsi məlumatlarını özündə əks etdirən bir sənəddir. Bu sənəd insanların vizit kartı hesab olunur. Rezume işə qəbul olan şəxslə işəgötürən şəxs arasında olan birinci ünsiyyət formasıdır. Məhz buna görə də yüksək səviyyədə ilkin təəssürat yaratmaq və beləliklə də işə qəbul olunma şansını artırmaq məqsədi ilə rezumenin təqdimatı və məzmunu üzərində ciddi şəkildə işləmək vacibdir.
Rezume iki formada hazırlana bilər:
Xronoloji rezumedə iş və təhsil ən sondan başlayaraq əks xronoloji ardıcıllıqla yazılır. Bu ən çox istifadə olunan rezume növüdür.
Funksional rezumedə isə vacib olan görülmüş işlərin qruplara ayrılmasıdır. Hər bir qrup əgər istənilərsə xronoloji ardıcıllığa əsasən yerləşdirilə bilər. Əgər işə qəbul olmaq istəyən şəxsin çox iş təcrübəsi yoxdursa və ya məşğulluqla əlaqədar olaraq boşluqları mövcuddursa, onun üçün funksional rezume daha yaxşı bir seçim ola bilər. Bunun səbəbi isə işə qəbul olmaq istəyən şəxsin onu işə qəbul edəcək adamın (menecerin) diqqətini özünün fərdi bacarıqlarına yönəltməsidir.
 |
 |
KISS.AZ |  |
 |
|